MAPPING THEORY THROUGH PRACTICE - THE LOGIC OF SUCCESS AND FAILURE

Fatahönnuðurinn Helga Lára Halldórsdóttir útskrifaðist með BA gráðu frá Listaháskóla Íslands og MFA í fatahönnun frá Textilhögskolan í Borås. Frá því að hún útskrifaðist 2018 hefur Helga verið stundakennari við Listaháskóla Íslands og hjá Myndlistarskólanum í Reykjavík.
 
Helga Lára mun halda fyrirlestur á Microsoft Teams, þriðjudaginn 13. apríl klukkan 12:10. Fyrirlesturinn er hluti af Sneiðmynd, fyrirlestrarseríu hönnunardeildar og arkitektúrdeildar LHÍ. Athugið að fyrirlesturinn fer fram á ensku, smellið HÉR til að fara inná fyrirlesturinn.
 
Sem stendur vinnur Helga Lára sjálfstætt að rannsóknum innan fagsins ásamt því að sinna ýmsu þverfaglegu samstarfi með öðrum hönnuðum og listamönnum. Hún einbeitir sér að starfendarannsóknum sem snúa að líkamanum, rými og flíkum og heillast að mannlegu eðli og óþægindum um leið og hún ögrar hugmyndum okkar um klæðnað.
 
Í fyrirlestri sínum mun Helga Lára ræða sína nálgun á hönnun og sýna dæmi úr MA rannsókn sinni og völdum yfirstandandi verkefnum. Hún mun ræða verkefnin í tengslum við akademískar hönnunarrannsóknir með áherslu á framfarir.
 
-
           
SNEIÐMYND
Öflugt rannsóknarstarf kennara við arkitektúrdeild og hönnunardeild er undirstaða þekkingarsköpunar, hugmyndafræðilegrar endurnýjunar og listrænnar nálgunar sem miðlað er til nemenda í gegnum kennslu og til samfélagsins með þátttöku í ýmsum verkefnum á innlendum og alþjóðlegum vettvangi.
Í fyrirlestraröðinni Sneiðmynd kynna kennarar hönnunardeildar og arkitektúrdeildar eigin rannsóknir og listsköpun og ræða tengsl þeirra við kennslu í deildinni.
Fyrirlestrarnir eru öllum opnir og er fagfólk, nemendur og áhugafólk um hönnun og arkitektúr hvatt til að mæta.
 
 
Dagskrá Sneiðmyndar 2021
 
Miðvikudagur 17. mars 2021
Dagur Eggertsson, arkitekt og stundakennari í arkitektúr
 
Þriðjudagur 12. apríl 2021
Helga Lára Halldórsdóttir, fatahönnuður og stundakennari í fatahönnun
 
Þriðjudagur 20. apríl 2021
Arnhildur Pálmadóttir, arkitekt og stundakennari í meistaranámi í hönnun
 
Þriðjudagur 27. apríl 2021
Hrefna Sigurðardóttir, grafískur hönnuður og stundakennari í grafískri hönnun
 
Þriðjudagur 4. maí 2021
Johanna Seelemann, vöruhönnuður og aðjúnkt í vöruhönnun