Þriðja árs nemar í vöruhönnun við Listaháskóla Íslands bjóða á opnun sýningarinnar Má'etta, þar sem þau sýna afrakstur úr áfanganum Stefnumót við Selatanga

Sýningin Má'etta opnar í stofu L143 í húsi Listaháskóla Íslands við Laugarnesveg 91 föstudaginn 22. nóvember klukkan 17:00. Sýningin verður opin yfir helgina milli klukkan 13:00-16:00.
 
ég var að spá hvort ég megi taka þennan mosa [náttúra í náttúrunni] sko eða ég var að pæla af því ég ætla bara að taka smá má ég það eða hvað? þú sagðir einu sinni að allt plast væri rusl en mér finnst það ekki mér finnst það fallegt í fjörunni [það eru öldur þarna úti] hraunið [náttúra að breyta náttúrunni] er svo hart [lítil náttúra sem skemmir og breytir] og það er vont að sitja á því [í helli, í fjalli, í helli í fjalli í helliregni í helli í fjalli] og mér finnst að við ættum að hafa mýkri rass til að sitja á hrauninu en kannski væri það náttúruspjöll [lítil náttúra í stóru náttúrunni] hvað finnst þér, má’etta eða finnst þér ekki mega neitt má ekkert lengur? [hopar og snýst um sjálfa sig] við fórum og sátum og borðuðum snúða í rigningunni [ofaní sjónum, ofaní holu í sjónum] en þeir urðu blautir og slepjulegir og bleika kremið rann af [maður sem dýr, dýr sem náttúra] og við átum líka ost og rúnstykki [í hrauni, í hrauni í mosa, í mosa í hrauni] og osturinn [í stormi] varð blautur en það var samt allt í lagi og svo var líka kaffi og það var alltof mikið af upplýsingum og ekki hægt að skoða neitt meira og kannski verður risastór gagnaleki [ég helli fjallinu ofan í sjóinn] eða krassa allar tölvur og gagnaver í heiminum [hrauninu ofan í snjóinn] og þá hverfa allar upplýsingar [rennandi blaut ofaní holu] og við þurftum að byrja upp á nýtt [náttúra að fóta sig í náttúrunni] og enginn veit neitt um hvaða hlutir þetta eru sem finnast í jörðinni og í sjónum [breyta og skemma]
 
Verið velkomin!
 
Nemar: Agnes Freyja Björnsdóttir, Lena Rós Baldvinsdóttir, Rebekka Ashley Egilsdóttir, Silvía Sif Ólafsdóttir, Snorri Hertervig, Sylvía Lind Jóhannesdóttir, Sylvía Dröfn Jónsdóttir
Kennarar: Tinna Gunnarsdóttir, Rúna Thors, Lee Lorenzo Lynch, Agnar Jón Egilsson, Brynhildur Pálsdóttir, Brynja Sveinsdóttir
 
voho2.jpg