Mínískúlptúrsmiðja
Smiðjur í gerð skúlptúra í anda Gerðar Helgadóttur í tilefni af Háskóladeginum á Akureyrir 2022.
Smiðjan stendur frá kl. 13.30-15. 6 sæti á hverjum tíma en mælum með að fólk komi og skoði.
Brynhildur Kristinsdóttir, hollnemi leiðir.
Gerður Helgadóttir (1928–1975) var brautryðjandi í íslenskri höggmyndalist. Hún notaði gjarnan óhlutbundið myndmál. Í verkin sín notaði hún til dæmis járn, stálþræði og koparbúta. Hún var ekki síður leitandi að efnum til tjáningar, meiningu og tilgangi. Gerður var listamaður sem setti sterkan svip á samtíma sinn.
Í þessum smiðjum vinnum við með efni eins og trékubba, karton, límband og grillpinna til að móta litla skúlptúra í anda Gerðar Helgadóttur. Það eru margar leiðir til að útfæra þetta verkefni og áhugavert að hver finni sína leið.
Nánar:
Þetta verkefni er hugsað fyrir alla aldurshópa, fullorðna og börn. Lögð er áhersla á eftirfarandi þætti:
-
Að móta verk í þrívítt form
-
Að sýna frumkvæði og þor
-
Að gera tilraunir í verkefninu
-
Að geta valið og beitt viðeigandi aðferðum og tækni
-
Að geta gert grein fyrir helstu hugtökum sem tengjast viðfangsefninu
Brynhildur Kristinsdóttir (f.1965) nam myndlist í Myndlistaskólanum á Akureyri og í Myndlista- og handíðaskóla Íslands. Eftir útskrift úr myndmótunardeild 1989 fór Brynhildur til Ítalíu þar sem hún vann með myndhöggvurum en síðan lá leið hennar í Iðnskólann í Reykjavik þar sem hún lærði húsgagnasmíði en árið 2011 lauk hún kennaranámi frá Háskólanum á Akureyri.
Brynhildur lauk meistaranámi í listkennslufræðum frá Listaháskóla Íslands 2022. Auk þess að starfa við eigin myndsköpun hefur hún kennt myndlist og átt í samstarfi við ýmsa listamenn, gert leikmynd og búninga fyrir gjörninga og dans. Brynhildur hefur haldið nokkrar einkasýningar og tekið þátt í fjölmörgum samsýningum. Hún starfar nú á Akureyri sem athafnasamur kennari og myndlistarmaður.