Sirra Sigrún Sigurðardóttir // Ef lýsa ætti myrkva
Fyrirlestur í myndlistardeild 
17.september kl.13:00 í fyrirlestrarsal LHÍ (L193) að Laugarnesvegi 91.

Sirra Sigrún Sigurðardóttir flytur fyrirlestur um sýninguna ,,Ef lýsa ætti myrkva" sem nú stendur yfir í Ásmundarsafni, Listasafni Reykjavíkur. Fyrirlesturinn fer fram í fyrirlestrarsal LHÍ (L193) Laugarnesvegi 91 kl.13:00.

screenshot_2021-09-14_at_08.37.53.png
 

Sirra Sigrún Sigurðardóttir

Sirra Sigrún Sigurðardóttir lauk BA námi frá Listaháskóla Íslands árið 2001 og MA í Art Practice frá School of Visual Arts í New York árið 2013. Verk Sirru eru kosmísk í eðli sínu og tengjast gjarnan inn á vangaveltur um stöðu okkar inni í gangverki náttúrunnar, eðlisfræðinnar og þeirra afla sem halda heiminum gangandi. Þau framkalla oft stöðu okkar sem einstaklinga, vægi okkar og smæð þar sem hið smáa er sett í samhengi við það stærra og merking er yfirfærð frá einu fyrirbæri yfir á annað. Hún hefur haldið einkasýningar í Listasafni Reykjavíkur, Nýlistasafninu, Hafnarborg og Kling & Bang og tekið þátt í samsýningum og verkefnum víða um heim, þar á meðal í Chinese European Art Center í Xiamen í Kína, Amos Andersons Konstmuseum í Helsinki í Finnlandi, Tate Modern og Frieze Projects í London á Englandi. Sirra er einn af stofnendum Kling og Bang (2003).