Einkasýning Jóhanns Inga Skúlasonar/Móka opnar fimmtudaginn 22. nóvember kl. 17:00 – 19:00 í Naflanum, Myndlistardeild Listaháskóla Íslands, Laugarnesvegi 91. Sýningin er í röð einkasýninga nemenda á 3. ári í myndlist.

Einstakur einstaklingur

Í hvert skipti sem forritið býr til nýtt auðkenni þá aukast líkurnar. Samkvæmt kenningu Sir Francis Galton (1822-1911) þá eru í einni tilraun 1:64.000.000.000 líkur á að forritinu takist að búa til fingrafarið. Á endanum mun það finnast.

Á tímabilinu 4. október - 29. nóvember stendur yfir röð einkasýninga nemenda á 3. ári í myndlist, alls 24 sýningar.

Á hverjum fimmtudegi frá 4. október - 29. nóvember opna í senn þrjár einkasýningar á mismunandi sýningarstöðum í Listaháskólanum í Laugarnesi; í Naflanum sem er inni í miðju skólans á 1. hæð, í Kubbnum á annari hæð og síðast en ekki síst í Huldulandi norðanmegin í húsinu á 1. hæð. Opnanir eru frá kl. 17 - 19 á fimmtudögum. Einkasýningar nemenda er liður í námskeiðinu Vinnustofur prófessora í umsjón Heklu Daggar Jónsdóttur. Kennarar ásamt Heklu eru Unnar Örn og Sindri Leifsson.

Facebook viðburður / Allar einkasýningar 3. árs nema í myndlist