Sláðu inn leitarorð
Einkasýning: Auður Aðalsteinsdóttir // In the Midst of Things
13.03.2021 - 14:00 til 13.03.2021 - 18:00
RÝMD, Völvufell 13, 111 Reykjavík
Einkasýning Auðar Aðalsteinsdóttur, In the midst of things, opnar laugardaginn 13. mars kl. 14:00 í Rýmd, nemendagalleríi Listaháskóla Íslands, Völvufelli 13. Sýningin er í röð einkasýninga MA útskriftarnema við meistaranám myndlistardeildar Listaháskóla Íslands vorið 2021.
Opnunartímar: alla daga 14.3-21.3 á milli 14-18
Sýningarnar eru hluti af lokaverkefnum nemenda og eru vettvangur þar sem tækifæri gefst til að láta reyna á eigin listrænu sýn og ákvarðanatöku innan ramma námsins. Lokaverkefnin eru þáttur í tveggja ára MA námi nemenda þar sem þeir hafa þróað áfram eigin aðferðir, rannsóknir og samhengi. Í vor verður svo einnig haldin útskriftarsamsýning í Nýlistasafninu í Marshallhúsinu.
Meistaragráðan í myndlist byggist á ofangreindum einkasýningum og gagnrýnum íhugunum varðandi þær, listaverki á samsýningunni í Nýlistasafninu, faglegum vinnubrögðum ásamt meistararitgerð þar sem fram koma aðferðir, efnisinntak, samhengi og greinargerð um lokaverk. Sýningarnar eru í Kubbnum, galleríi myndlistardeildar í Laugarnesi og RÝMD, nemendagallerí myndlistardeildar í Breiðholti.
