Fyrir hver er námskeiðið: Námskeiðið hentar fyrir listafólk og kennara sem stýra verkefnum innan og utan stofnana. Valnámskeið í meistaranámi í listkennslu. 
Í þessu námskeiði verður farið yfir helstu hugtök og grunnatriði í verkefnastjórnun. Skoðuð verða helstu tæki og tól sem notast er við í verkefnastjórnun í dag. Nemendur kljást við raunhæf verkefni úr atvinnulífinu en um leið er reynt að tengja saman möguleika verkefnastjórnunar í kennslu og hópavinnu. Farið verður yfir aðferðir við skipulagningu og stjórnun verkefna sem og helstu þætti er tengjast áætlanagerð s.s. fjáröflun, áhættumat, kynningarmál og markmiðssetningu. Um fjölbreytta kennsluhætti verður að ræða; fyrirlestrar, umræður og verkefnavinna með áherslu á að efla virkni og þátttöku nemenda.
 
Námsmat: Þátttaka, virkni og verkefnaskil 
Kennari: Valgeir Jens Guðmundsson  
Deild: Listkennsludeild
Staður og stund: Laugarnes, föstudaga kl. 9:20-12:10
Tímabil: 11. nóvember- 9. desember 2022 
Einingar: 4 ECTS
 
Kjósi nemendur að taka námskeið án eininga gefur kennari verkefnum nemenda ekki endurgjöf. Verðmunur ræðst þ.a.l. af auknu vinnuálagi kennara.
Námskeið sem tekin eru án eininga geta þó skráðst, án eininga, á námsferil nemenda.
Verð: 49.000 kr. (án eininga) – 61.200 kr. (með einingum)
Forkröfur: BA. gráða eða sambærilegt nám
Umsækjendur eru vinsamlegast beðnir að athuga að vegna COVID-19 þá gæti námskeiðið breyst fyrirvaralítið í fjarkennslu að hluta til eða alveg. 
Nánari upplýsingar: Ólöf Hugrún Valdimarsdóttir, verkefnastjóri listkennsludeildar. olofhugrun [at] lhi.is / 545 2249
 
Birt með fyrirvara um ófyrirséðar breytingar. 
Vinsamlegast athugið að skólinn er lokaður í júlí og unnið verður úr umsóknum í ágúst 
Umsóknareyðublað