Valgerður Birna Jónsdóttir

Fyrr á öldum vísaði orðið sauðfé til ríkidæmis þess sem átti margar kindur. Nú er staðan önnur; sauðfjárbændur lifa naumast af á búskapnum einum.  

Í seinni tíð hefur áhersla á lambakjötsframleiðslu orðið allsráðandi og verðmæti ullarinnar gjarnan gleymst. Rannsóknin að baki verkefnisins hefur leitt í ljós að með verðmætasköpun úr ull hérlendis getur hún orðið mun arðbærari en lambakjöt. Við vinnslu á gólfteppi leyfir hönnuðurinn hráefninu að ráða för. Úr verða einstök mynstur sem sýna mögnuð blæbrigði sauðalitanna sem eru einkennandi fyrir íslenska ull.  

Finnum fé á fjalli og fé í fénu. Gerum sauðfjárrækt arðsama á ný.