Breytt inntökuferli í ljósi aðstæðna 2020

Vegna yfirstandandi heimsfaraldurs verður annar háttur hafður á inntökuferlinu, en venjulega. Fyrir umsækjendur í tónsmíðum gildir eftirfarandi: 

Inntökupróf í tónfræði og klassískri hljómfræði verða þreytt á netinu og kynnt umsækjendum í tölvupósti þegar opnað verður fyrir þau. 

Viðtöl við umsækjendur verða í gegnum fjarfundabúnað og hver umsækjandi boðaður sérstaklega.  

Tækniviðtal við umsækjendur í tónsmíðum nýmiðla verður með sama hætti. 

Ferilmöppu er aðeins hægt að skila rafrænt þar sem umsækjendur geta hlaðið inn raddskrám á PDF-skjali og hljóðdæmum / vefslóðum þar sem það á við (hljóðfæratónsmíðar) og hljóðskrám / vefslóðum (nýmiðlatónsmíðar). 

 

 

Á tónsmíðabraut eru tvær námsleiðir

  • Hljóðfæratónsmíðar: Þriggja ára 180 eininga BA-nám.  
  • Nýmiðlar: Þriggja ára 180 eininga BA-nám.
Bakkalárnám í tónsmíðum við Listaháskóla Íslands er þriggja ára nám sem leiðir til BA gráðu. Frá og með haustinu 2018 er hægt að velja milli tveggja meginleiða í uppbyggingu námsins: hljóðfæratónsmíða og nýmiðla.

Umsóknarferli

Umsóknarferlið er í tveimur skrefum. Í fyrra skrefinu er umsóknin fyllt út, umsóknargjald borgað og sótt um.
Í síðara skrefinu fá umsækjendur staðfestingu á því að LHÍ hafi móttekið umsóknina. 
Hægt er að vista umsókn á meðan verið er að vinna í henni. Athugið að ljósmynd þarf að fylgja rafrænni umsókn. 

Umsókn

Til að umsókn sé fullgild þarf að borga umsóknargjald og eftirfarandi gögn þurfa að berast Listaháskólanum:
 
1. Prófskírteini (ljósrit gildir ekki)
a) Skannið frumrit af prófskírteinum og hengið við umsókn
eða
b) Fáið staðfest afrit af prófskírteinum með stimpli frá viðkomandi skóla, skannið og hengið við umsókn.
c) Fáið staðfest afrit af undangengnu tónlistarnámi (afrit af nýjasta stigsprófi sem þreytt hefur verið) með stimpli frá viðkomandi skóla, skannið og hengið við umsókn. Þetta á við í þeim tilvikum þar sem umsækjandi hefur stundað formlegt tónlistarnám.
 
 
2. Ferilmappa
Ferilmappa með nótum auk hljóðdæma (hljóðfæratónsmíðar) þar sem það á við. Umsækjendur um nýmiðla þurfa einungis að skila hljóðdæmum. Ferilmöppu má annað hvort skila á efnislegu eða rafrænu formi. Þeir sem velja að skila á rafrænu formi geta hengt PDF-skjal og / eða vefslóð inn í umsókn. Ferilmöppu á efnislegu formi skal skilað á skrifstofu tónlistardeildar eða hún send í pósti og skal þá póstlögð eigi síðar en auglýstur frestur rennur út.
 

Inntökuferli

Inntökuferlið er í eftirfarandi þrepum:
 
  • Stöðupróf í tónfræðigreinum (hljóðfæratónsmíðar)
  • Tækniviðtal (nýmiðlar)
  • Viðtöl (hljóðfæratónsmíðar)

Inntökuskilyrði

Miðað er við að umsækjendur hafi lokið stúdentsprófi eða sambærilegu námi. 
Allir sem uppfylla inntökuskilyrði eru boðaðir í stöðupróf í tónfræði, hljómfræði og tónheyrn (hljóðfæratónsmíðar) eða tækniviðtal (nýmiðlar).
Að stöðuprófum loknum eru umsækjendur boðaði í viðtal.

Undanþágur vegna inntöku

Listaháskólanum er heimilt að veita inngöngu í skólann umsækjendum sem búa yfir þekkingu og reynslu sem telst fullnægjandi undirbúningur til bakkalárnáms við skólann. Þó er við það miðað að umsækjendur hafi lokið eigi færri en 105 einingum úr eldra kerfi framhaldsskólastigsins eða 150 framhaldsskólaeiningum samkvæmt nýja kerfinu.
 

 

MIKILVÆGAR UPPLÝSINGAR

Opnað fyrir umsóknir 8.Nóv. 2019

Lokað fyrir umsóknir 4.Maí 2020

Haustönn hefst 24.ágúst 2020

Umsóknargjald 5000 isk

 

RAFRÆNAR UMSÓKNIR 

Tónsmíðar- hljóðfæratónsmíðar

Tónsmíðar- nýmiðlar

STÖÐUPRÓF

1. hluti - tónfræði

2. hluti - hljómfræði

3. hluti - tónheyrn

Hljómfræði I

Hljómfræði II

Theory of Harmony I

Theory of Harmony II

FLÝTIVÍSAR

Skólagjöld

Tónlistardeild

HAFA SAMBAND

Hróðmar I. Sigurbjörnsson, hrodmar [at] lhi.is