Umsóknarferli

Umsóknarferlið gengur þannig fyrir sig að fyrst er rafræn umsókn fyllt út, umsóknargjald greitt og umsókn staðfest. Hægt er að vista umsókn á meðan verið er að vinna í henni. Athugið að ljósmynd af umsækjanda þarf að fylgja rafrænni umsókn.  Í rafrænu umsókninni gefst umsækjanda kostur á að tilgreina ástæður umsóknar, markmið, framtíðarsýn og fleira í stuttum texta.
 
Í ljósi aðstæðna í samfélaginu vegna Covid 19 mun fyrsta þrepið í inntökuferli leikarabrautar vera í formi myndbandsupptöku af flutningi á eintali umsækjenda. Myndbandsupptakan er send með rafrænni umsókn sem viðhengi. Sjá nánari leiðbeiningar hér fyrir neðan. 

Umsóknin

Til að rafræn umsókn sé fullgild þarf að borga umsóknargjald og eftirfarandi gögn þurfa að fylgja:
 
1. Staðfest afrit af prófskírteinum (ljósrit gildir ekki).
 
a) Skannið frumrit  af prófskírteinum og hengið við umsókn, eða
 
b) Fáið staðfest afrit af prófskírteinum með stimpli frá viðkomandi skóla, skannið og hengið við umsókn.
 
2. Myndbandsupptaka af flutningi á eintali.
 
Umsækjendur fá staðfestingu á því að LHÍ hafi móttekið umsóknina eftir að deildarfulltrúar hafa gengið úr skugga um að umsækjandi hafi skilað inn öllum nauðsynlegum fylgiskjölum. Umsóknin er fyrst fullkláruð þegar myndbandsupptöku af eintali hefur verið skilað.

Inntökuferli

1. ÞREP
- Rafræn umsókn + Myndbandsupptaka af flutningi á eintali. 
- Opnað fyrir umsóknir 5. október 2020. 
- Lokað fyrir umsóknir 2. desember 2020, kl. 23:59. 
- Niðurstöður úr fyrsta þrepi verða sendar til umsækjenda með tölvupósti 16. desember 2020.
 

Leiðbeiningar fyrir fyrsta þrep.

Þú velur eitt af eftirfarandi eintölum til flutnings:
Hagnýtar leiðbeiningar fyrir mynbandsupptökuna:
- Myndbandsupptakan má vera að hámarki tvær mínútur. 
- Ef tvær mínútur duga ekki til að flytja allan textann þá er leyfilegt að klippa framan af eða aftan af upptökunni svo hún verði 2 mínútur.
- Innsenda upptakan þarf hinsvegar að vera óslitin þ.e. ekki er leyfilegt að skeyta saman tveimur eða fleiri upptökum.
- Það skiptir ekki máli hvort við fáum að sjá nákvæmlega allt. Mikilvægast er að þú sért sátt/ur.
- Með 2 mínútna reglunni erum við að gæta að jafnrétti allra umsækjenda. Allir fá sama tíma í þessu þrepi sem og í þrepi 2 og 3.
- Umsóknin er talin ógild og verður ekki metin ef myndbandið hefur verið slitið í sundur eða er lengra en tvær mínútur. 
- Flutningurinn verður að fara fram á íslensku.
- Það skiptir ekki máli fyrir hvaða kyn hlutverkið var upphaflega skrifað.
- Ef umsækjendur kjósa mega þeir breyta persónugerð orða. Dæmi: ,,ég er glöð - ég er glaður - ég er glatt"
- Að öðru leyti er ekki leyfilegt að breyta textanum. 
- Þar sem um eintal er að ræða er ekki æskilegt að hafa mótleikara.
- Taktu upp myndbandið eins og þú værir fyrir framan áhorfendur. 
- Gakktu úr skugga um að myndin sýni allan líkamann.
- Mikilvægt er að upptakan sé góðum mynd- og hljóðgæðum.
- Upptakan skal vera tekin upp í einni töku og án aðdráttar (zoom).
- Upptökubúnaðurinn verður að vera kyrr meðan á tökunum stendur. Lóðrétt eða lágrétt upptaka er valkvæð (portrait / landscape).
- Ekki skal notast við neina leikmuni.
- Ekki skal nota tónlist eða hljóðmynd.
- Ekki skal bæta við neinum tæknibrellum (effect).
 
Hér má skoða leiðbeiningar myndband:
 
 
Hvernig deila á myndbandsupptökunum:
Við tökum á móti myndböndum í gegnum lokaða Youtube rás (Unlisted Youtube link)
Nefnið videoið eftir þessari formúlu:
- Fullt nafn umsækjenda – Braut sem sótt er um: t.d. „Jón Jónsson –  Leikarabraut“
- Afritið slóðina og setjið í viðeigandi lið (H lið) í rafrænu umsókninni.
Hér má sjá kynningarvideo á hvernig hlaða á upp "unlisted" youtube myndbandi:
2. ÞREP
- Umsækjendur sem komast áfram í 2. þrep fá nánari upplýsingar sendar með tölvupósti.
- Inntökumatið í öðru þrepi fer fram 7. - 8. janúar 2021.
- Niðurstöður úr öðru þrepi verða sendar til umsækjenda með tölvupósti 11. janúar 2021.
3. ÞREP
- Umsækjendur sem komast áfram í 3. þrep fá nánari upplýsingar sendar með tölvupósti.
- Inntökumatið í þriðja þrepi fer fram 13. - 19. janúar.

Inntökuskilyrði

Miðað er við að umsækjendur hafi lokið stúdentsprófi eða sambærilegu námi. Listnám er tekið til greina þegar umsókn er metin.

Undanþágur vegna inntöku

Listaháskólanum er heimilt að veita inngöngu í skólann umsækjendum sem búa yfir þekkingu og reynslu sem telst fullnægjandi undirbúningur til bakkalárnáms við skólann. Þó er við það miðað að umsækjendur hafi lokið eigi færri en 105 einingum úr eldra kerfi framhaldsskólastigsins eða 150 framhaldsskólaeiningum samkvæmt nýja kerfinu.

MIKILVÆGAR UPPLÝSINGAR

Opnað fyrir umsóknir: 5. október 2020

Umsóknarfrestur: 2. desember 2020

Upphaf haustannar: 23. ágúst 2021

Umsóknargjald: 5000 kr.

UMSÓKN

Rafræn umsókn

HAFA SAMBAND

Dagmar Atladóttir,  deildarfulltrúi sviðslistadeildar, dagmar [at] lhi.is

FLÝTILEIÐIR

Algengar spurningar
Skólagjöld
Forsíða sviðslistadeildar