Umsækjendur eru vinsamlegast beðnir að athuga að vegna COVID-19 þá er námskeiðið kennt í fjarkennslu fyrir nemendur í OPNA LHÍ.

Fyrir hverja er námskeiðið: Námskeiðið hentar þeim sem vilja tileinka sér leikni á ukulele og einnig kanna möguleika þess til kennslu. Valnámskeið í meistaranámi í listkennslu.

ATH. Námskeiðið er kennt á ensku. 

Námskeiðið er byggt upp sem kynning og leikniþjálfun á ukulele. Farið er í grip, tónlistarstíltegundir, ryþma, skala, laglínur og spilatækni þar sem kennari velur efni við hæfi. Möguleikar ukuleles til kennslu eru kannaðir.

Dæmi um efni:
tónlistarstíltegundir eins og blús, reggae, bossanova, vals, írskt jig og fleira, þjálfun í spilatækni og ryþmískum undirleik í takttegundum eins og 2/4, 3/4, 4/4, 5/8, 6/8,  spilatækni varðandi hljómhvörf, „strum“, „plokk“, sýnkópur og laglínumótun, íslensk þjóðlög í einföldum útsetningum, jólalög og barnalög, dægurlög og þjóðlög annarra landa, gildi og möguleikar ukuleles til kennslu.
 
Í lok námskeiðis eiga nemendur að geta:

  • þekkja sögu og uppbyggingu ukulele og möguleika þess,
  • hafa tæknilega og hljómfræðilega þekkingu til áframhaldandi sjálfstæðrar þjálfunar á hljóðfærið,
  • geta notað ukulele til undirleiks og til eigin útsetninga á einföldum lögum og jafnvel í kennslu.
 

Námsmat: Verkefni, óformlegir tónleikar. 

Kennari: Andres Camilo Ramon Rubiano.

Staður og stund: Laugarnes, fimmtudagar kl. 16- 17.30

Tímabil: 17. september- 26. nóvember 2020. (ath ekki kennsla 29. október og 5. nóvember)

Verð: 30.500 kr. (án eininga) / 40.800 kr. (með einingum).
 

Nánari upplýsingar: Ólöf Hugrún Valdimarsdóttir, verkefnastjóri Listkennsludeildar. olofhugrun [at] lhi.is / 520 2409