Í námskeiðinu verður farið yfir eina mikilvægustu spurningu kvikmyndatónsmíða: Hvar skal staðsetja tónlistina. Farið verður yfir ýmis hagnýt atriði varðandi tónsetningu kvikmynda og nokkrar kvikmyndir verða greindar vandlega með tilliti til staðsetningu og hlutverks tónlistarinnar. Námskeiðið er ætlað öllum þeim sem hafa áhuga á kvikmyndatónsmíðum og vilja öðlast dýrpri skilning á þessum mikilvæga hluta af starfi kvikmyndatónskálda. Lokaverkefni verður í formi greiningarverkefnis.

In the course we will discuss one of the most important decisions a film composer faces: Where to place the score. We will go over some practical matters regarding spotting and analyse a few films, playing close attention to where and why the score is located where it is. 

Hæfniviðmið: Í lok námskeiðs eiga nemendur að:
- Hafa aukinn skilning á starfi kvikmyndatónskálda.
- Hafa fengið betri tilfinningu fyrir hlutverki tónlistar í kvikmyndum og mikilvægi staðsetningarinnar fyrir framvindu og stemningu kvikmyndarinnar. 

Kennari: Einar Sv. Tryggvason
Kennslutungumál: Íslenska
Kennslutímabil: 7. júní til 16. júní 

Kennsludagar: mánudaga, miðvikudaga og föstudaga
Kennslutími: kl. 9:00-11:30
Kennslustaður: Þverholt 11, fyrirlestrarsal A
Kennslufyrirkomulag: Hóptímar, þar sem horft verður á kvikmynd og rýnt í hvert atriði fyrir sig. Staðsetning og hlutverk tónlistar í kvikmyndinni verða rædd innan hópsins.
Markhópur: Námskeiðið er ætlað hverjum þeim sem hefur áhuga á kvikmyndatónlist og því að leggja fyrir sig tónsmíðar fyrir kvikmyndir. 
Námsmat: Virkni í tímum og lokaverkefni í formi greiningar á kvikmynd
Einingar: Án eininga
Forkröfur: Fornám fyrir háskólanám, aldurstakmark er 18 ár

Verð: Hvert sumarnámskeið kostar 3.000 kr. alls. Vinsamlegast athugið að námskeiðsgjald er ekki endurgreitt nema námskeið falli niður.
Nánari upplýsingar: sumarnam [at] lhi.is, Karólína Stefánsdóttir og Björg Stefánsdóttir

Vegna COVID-19 getur fyrirkomulag kennslu breyst með skömmum fyrirvara.
Vinsamlegast athugið að öll námskeið eru auglýst með fyrirvara um lágmarksþátttöku

 

Umsóknareyðublað 
 

 

 

FLÝTILEIÐIR

Rafræn umsókn
Um sumarnám 2021
Upplýsingar um námskeið

FYRIRSPURNIR
sumarnam [at] lhi.is