Í námi til bakkalárgráðu er áhersla lögð á kvikmyndagerð sem frásagnarform - að segja sögu í myndrænu formi kvikmyndalistar. Námið er ætlað nemendum sem lokið hafa stúdentsprófi og stefna á störf á fagvettvangi kvikmynda eða á frekara nám og rannsóknir á fagsviðinu. Námið veitir alhliða menntun í kvikmyndagerð með áherslugrein - leikstjórn, handritsgerð, framleiðslu, kvikmyndatöku, klippingu eða hljóðtækni.