Sláðu inn leitarorð
Sveinn Snær Kristjánsson
Feluleikur
Feluleikur er safnrit sem fjallar um dulin samskiptatákn hinsegin fólks. Í þessu samhengi eru það aðferðir og tákn sem hinsegin fólk hefur notað til þess að bera kennsl hvort á annað innan samfélaga sem gerðu feluleik einu lausnina fyrir þetta fólk til að lifa af og þrífast. Í þennan flokk falla kerfi sem að fengu ný hlutverk eða merkingu meðal hinsegin fólks.
Leynd tungumál, klæðaburður, staðir og stofnanir eru meðal þess sem kemur við sögu.
Með hönnun verksins skoða ég hvað gerir hinsegin hönnun hinsegin og hef það sem markmið að lyfta sögum hinsegin fólks, röddum og upplifun þeirra sem búa í samfélagi sem ekki er hannað fyrir þau.
