Sláðu inn leitarorð
Styrmir Erlendsson
Í Fairways and streets eru tveir ólíkir heimar teknir til skoðunar: götukúltúr og golfmenning. Götumenning á rætur sínar að rekja til hrárrar orku borgarlífsins þar sem steypan er einkennismerkið. Golf er hinsvegar þekkt fyrir stranga hefð, reglur og tengingu við náttúru.
Innan beggja þessara heima má finna sjálfstjáningu, einstaklingseinkenni og ástríðu. Samruni götu- og golfmenningar markar táknrænt séð nýtt tímabil. Það sýnir niðurbrot hefðbundinna hindrana og aukin umsvif hönnunar. Með því að sýna þennan nýstárlega samruna fagnar verkið sköpunargáfu og fjölbreytileika götu- og golfmenningar og býður áhorfendum að kanna þá endalausu möguleika sem samruni þessa ólíku heima býður upp á.
Niðurstaðan er lína af fatnaði ásamt plakataseríu sem ögrar staðalímyndum golfíþróttarinnar og færir hana til breiðari markhóps.
