Sláðu inn leitarorð
Ninna Björk Ríkharðsdóttir
Rúðu fyrir rúðu, lykkju fyrir lykkju
Ég skoða ljósmynd og teikna eftir henni munstur, munstur sem lítur út eins og myndin. Hvít rúða jafngildir sléttri lykkju á réttunni en brugðni lykkju á röngunni.
Svört rúða jafngildir brugðni lykkju á réttunni en sléttri á röngunni. Ef ég einfalda munstrið, og gef mér að hvít rúða sé slétt lykkja og svört brugðin, birtist mynd sem lítur út fyrir að vera töluvert flóknari en sú upprunalega.
Úr verður órætt rugl sem er óskiljanlegt eitt og sér, en ef ég fylgi munstrinu eftir, fyrst til vinstri svo til hægri, rúðu fyrir rúðu, lykkju fyrir lykkju, birtist upprunalega myndin á ný.
