Birta Ísólfsdóttir, Hildigunnur Jónsdóttir og Sjöfn Óskarsdóttir, nemendur í listkennsludeild stóðu fyrir þinginu og tóku alls 19 krakkar úr 7. - 10. bekk þátt. Á þinginu fengu nemendur tækifæri til að tjá hug sinn um list- og verkgreinar og hugsa til framtíðar varðandi starfsval.
Unnið var í hópum og tókust nemendur á við eftirfarandi spurningar:
Niðurstaðan í heild:
Hóparnir svöruðu á mismunandi hátt ekki voru allir sammála um mikilvægi kennslu í list- og verkgreinum en flestir voru þó á því að þessi kennsla væri mikilvæg. Bóknám hentar ekki öllum og þessar greinar brjóti upp annað nám þannig að fleiri geti notið sín í skólanum. Við spurningunni hverju mætti breyta í list- og verkgreinakennslu skólans þá svöruðu mjög margir því að þeir söknuðu tónmenntar og leiklistar því ekki er boðið upp á nám í þessum greinum. Flestir voru sammála um að það þyrfti ekkert endilega að bæta við kennslu í þessum fögum heldur mætti bæta aðstöðu í kennslustofum þannig að mögulegt væri að vinna að fjölbreyttari verkefnum. Ekki voru margir í hópnum búnir að gera upp hug sinn varðandi nám til framtíðar en margir voru opnir fyrir þeim möguleika.
Þegar spurt var hvort list- og verkgreinar geti hjálpað við annað nám þá svöruðu flestir því á þann veg að það gæti alltaf stutt við annað nám og útfærslur á verkefnum í bóklegum greinum.
Krakkaþingið er lokaverkefni listkennslunemanna þriggja í námskeiðinu Verkefnastjórnun sem kennt er af Frímanni Sigurðssyni.