Námi í öllum deildum skólans lýkur með lokaverkefni.
Sniðmát fyrir lokaverkefni eru í dálkinum Sniðmát hér til hægri.
Bókasafnið varðveitir ekki prentuð eintök lokaverkefna en nemendur skila inn rafrænu eintaki af lokaverkefni á skemman.is sem er stafrænt varðveislusafn háskólanna. Lokaverkefnin má nálgast á skemman.is og þau má líka finna á leitir.is
Leiðbeiningar um hvernig ritgerð er skilað í skemman.is eru í dálki hér til hægri.
Við skil lokaritgerða þarf að velja þá deild sem útskrifast er frá sem og námsstig: BA eða MA.
Nemendur skrá sig inn á skemman.is með LHÍ aðganginum sínum.
Mikilvægt er að klára að fara í gegnum allt ferlið. Því lýkur með því að samþykkja skilmála og senda verkið inn.
Ritgerðir eru birtar á Skemmunni að lokinni útskrift en nokkrir dagar geta liðið frá útskrift og þar til ritgerðin er birt á Skemmunni.
Mælst er til þess að nemendur hafi lokaritgerðir sínar opnar, ekki síst þar sem þeim gagnast að geta vísað á ritgerðir sínar að útskrift lokinni.
Höfundur þarf að skila formlegri beiðni um að láta opna áður læstri ritgerð.