Markmið fjarnámskeiðsins er að stuðla að því að nemendur öðlist skilning á mikilvægi þess að leita sérfræðiþekkingar við undirbúning verkefna og að búa til samtal sem leiða til tengslamyndunar og samvinnu á breiðum grundvelli.

Nemendur munu glíma við skapandi leiðir til að opna umræðuna um sjúkdóma, raskanir og samfélagslegar aðstæður sem hafa áhrif á stöðu fólks í samfélaginu. Það er, beita rannsóknaraðferðum í átt að lyfjalausum meðferðarúrræðum til að auka lífsgæði.

 

Nemendur eru hvattir til að móta skapandi rannsóknarverkefni sem stuðla að samfélagslegum áhrifum og að vinna gegn fordómum í þjóðfélaginu. Miðlun þekkingar og reynslu eru hér lykilþættir í mótun verkefna. Listformið verður vettvangur „frásagnar“, sveigjanlegt í stærð og gerð, mótast af aðstæðum.

 

 

• tileinka sér aðferðafræði sem sýnir tengslanet sérfræðinga, stofnana, og mismunandi þjóðfélagshópa.

• þekkja og geta skilgreint þann samfélagshóp sem þeir vilja vinna með.

• þekkja eiginleika samfélagshópsins og tengja skapandi greinar á grundvelli gagnrýnnar hugsunar.

• mynda brýr milli skapandi hugsunar, samskipta og þekkingar.

• skilja listina sem leið til að tengjast lífinu; að finna sjálfa sig í tengslum við aðra og umhverfið.
 

Námsmat: Þátttaka, virkni, verkefnaskil. 

Kennari: Halldóra Arnardóttir. 

 

Halldóra Arnardóttir er listfræðingur (BA.Hons) frá University of Essex, England, 1990. Lauk meistaraprófi í nútímabyggingarlistasögu frá Bartlett School of Architecture, UCL í London, árið 1992 og doktorsprófi árið 1999. Sjálfstætt starfandi listfræðingur á Íslandi og á Spáni, auk þess gestakennari og fyrirlesari víða í Evrópu, Bandaríkjunum og Kanada.

 

Kennslutungumál: Íslenska 
 

Staður og stund: Fjarnámskeið
 

Fyrir hverja er fjarnámskeiðið: Námskeiðið hentar þeim sem hafa áhuga á að læra að móta skapandi rannsóknarverkefni. Valnámskeið í meistaranámi í listkennslu.

 

Einingar: 2 ECTS

Verð: 30.500 kr. (án eininga) / 40.800 kr. (með einingum).