Fyrir hvern er námskeiðið: Nemendur í meistarnámi í listkennslu LHÍ og alla sem vilja öðlast betri skilning á notkun leiklistar sem meðferðarúrræði fyrir sig eða aðra. Námskeiðið gæti hentað fagfólki á velferðarsviði og kennurum á öllum skólastigum. Námskeiðið er eingöngu kynning á leiklistarmeðferð, þátttakendur munu ekki geta beitt leiklist sem meðferðarúrræði að því loknu en fá hugmyndir að verkefnum og æfingum sem hægt er að nota með börnum og ungmennum í starfi. 
 
Í námskeiðinu fá nemendur innsýn í uppruna, kenningar og aðferðir leiklistarmeðferðar í gegnum stutta fyrirlestra, umræður og þátttöku í verkefnum og æfingum. Sérstök áhersla er lögð á hlutverkaaðferðina og notkun frávarps innan hennar (e. Projective Techniques). Nemendur fá sjálfir að upplifa leiklistarmeðferð og þá möguleika sem hún hefur. Í leiklistarmeðferð eru aðferðir leiklistar notaðar til að hjálpa fólki að öðlast betri skilning á sjálfum sér og umhverfi sínu og til að hvetja til breytinga. 

Leiklistarmeðferð hefur verið notuð með góðum árangri með ólíkum hópum í mörg ár t.d. á geðdeildum, meðferðarheimilum, í fangelsum, á elliheimilum, í skólum og á einkareknum meðferðarstofum. „Unlike talk therapy, drama therapy gets there really fast.

"Unlike talk therapy, drama therapy gets there really fast. Role-playing -acting out issues and problems - is more effective than talking"
- Robert Landy Director 
 
Í lok námskeiðs eiga nemendur að geta: 
  • Gert grein fyrir sögu og helstu aðferðum leiklistarmeðferðar,
  • skilgreint áherslur helstu kenningarsmiða í leiklistarmeðferð,
  • beitt hugtakinu frávarp og skilgreint hvernig það er notað í leiklistarmeðferð,
  • þekkt möguleika hlutverkaaðferðarinnar í leiklistarmeðferð,
  • Þekkt aðferðina "self revelatory performance" og hafa prófað hana.
 
Kennari: Sigríður Birna Valsdóttir er með meistarapróf í Leiklistar-meðferð frá New York háskóla, diploma í fjölskyldumeðferð frá Háskóla Íslands og kennarapróf (B.Ed.) frá Kennaraháskóla Íslands. Hún hefur nýtt aðferðir leiklistarmeðferðar með fólki á öllum aldri í fjölmörg ár.
Námsmat: Virkni, þátttaka og verkefni 
Deild: Listkennsludeild
Tímabil: 27. september til 29. október 2022
Staður og stund: Laugarnes, haust  
1. tími: þriðjudagur, 27. september, kl. 16:00-18:30
2. tími: laugardagur, 8. október, kl. 10:00-13:00
3. tími: þriðjudagur, 18. október, kl. 16:00-18:30
4. tími: þriðjudagur, 25. október, kl. 16:00-18:30
5. tími, laugardagur, 29. október, kl. 10:00-14:00
Forkröfur: BA. gráða eða sambærilegt nám
Einingar: 2 ECTS
Verð: 30.500 kr. (án eininga) / 40.800 kr. (með einingum)
 
Kjósi nemendur að taka námskeiðið án eininga gefur kennari verkefnum nemenda ekki endurgjöf. Verðmunur ræðst þ.a.l. af auknu vinnuálagi kennara. 
Námskeið sem tekin eru án eininga geta þó skráðst, án eininga, á námsferil nemenda. 

Nánari upplýsingar: Ólöf Hugrún Valdimarsdóttir, verkefnastjóri listkennsludeildar, olofhugrun [at] lhi.is, 545 2249

Vinsamlegast athugið að skólinn er lokaður í júlí og unnið verður úr umsóknum í ágúst