Á fjarnámskeiðinu er fjallað um hugmyndafræði faglegs lærdómssamfélags og hvernig megi tengja það starfsemi tónlistarskólans (einnig hægt að vinna með aðrar skólagerðir). Fjallað er m.a. um fagmennskuhugtakið, leiðtogahlutverk stjórnenda, dreifða og styðjandi forystu og mikilvægi starfsþróunar. Nemendur vinna verkefni á námskeiðinu í anda faglegs lærdómssamfélags þar sem efni er ígrundað í samvinnu innan hópsins. Verkefni námskeiðsins tengist starsvettangi viðkomandi.

Í lok námskeiðs eiga nemendur að:

  • þekkja hugmyndafræði faglegs lærdómssamfélags,
  • geta tjáð sig um inntak þess og beitt aðferðum þess í samvinnu við aðra,
  • geta lagt mat á og tekið afstöðu um gildi faglegs lærdómssamfélags í skólastarfi,
  • geta komið með hugmyndir að útfærslu verkefna í anda faglegs lærdómssamfélgas á eigin starfsvettvangi

Kennari: Elín Anna Ísaksdóttir
Námsmat: Verkefni og virkni
Vinnulag: Fjarkennsla, fyrirlestrar, umræðuhópar, skrifleg verkefni
Einingar: 5 ECTS
Tímabil: 27. febrúar til 3. maí 2021 (nánari tímasetningar eru ákveðnar í samráði við nemendur)
Upphafslota á vefnum: Laugardaginn 27. febrúar kl. 10-13
Forkröfur: Námskeiðið er hluti námsframboðs fyrir tónlistarskólakennara en er einnig opið nemendum í kennaranámi LHÍ sem valnámskeið.
Verð: 5 eininga námskeið - 61.250 kr. (án eininga) / 76.500 kr. (með einingum)

Kjósi nemendur að taka námskeið án eininga gefur kennari verkefnum nemenda ekki endurgjöf. Verðmunur ræðst þ.a.l. af auknu vinnuálagi kennara.
Námskeið sem tekin eru án eininga geta þó skráðst, án eininga, á námsferil nemenda. Greiða þarf námskeiðagjöld 3 vikum áður en námskeið hefjast til þess að staðfesta þátttöku.

Nánari upplýsingar: Karólína Stefánsdóttir, verkefnastjóri Opna LHÍ, karolinas [at] lhi.is