Hæfniviðmið námsleiðar

Þekking

Að loknu námi býr nemandi yfir þekkingu á sviði tónsmíða.
​Í því felst að nemandi:

• Búi yfir þekkingu á helstu kenningum, hugtökum og aðferðum tónsköpunar í sögulegu samhengi.
• Hafi þekkingu og skilning á tónlist samtímans.
• Þekki skörun og snertifleti tónlistar við aðrar listgreinar.
• Hafi skilning á mikilvægi rannsókna á fagsviði tónlistar.
• Hafi haldgóða þekkingu á starfsumhverfi tónskálda og tónlistarmanna.

Leikni

Að loknu námi getur nemandi beitt aðferðum og verklagi á sviði tónsmíða.
​Í því felst að nemandi:

• Búi yfir tækni og færni til að geta unnið sjálfstætt og skipulega að þeim þáttum sem tengjast tónsköpun og tónflutningi.
• Hafi tileinkað sér víðsýni og frumleika í hugsun og sköpun.
• Geti rökstutt listrænar ákvarðanir út frá fræðilegum og listrænum forsendum.
• Hafi leikni til að beita mismunandi stílbrögðum við tónsköpun.
• Geti tekið virkan þátt í listrænu samstarfi af mismunandi umfangi og út frá ólíkum forsendum. 
• Geti nýtt sér gagnasöfn og upplýsingalindir og metið áreiðanleika þeirra.
• Geti nýtt sér tækni og búnað til tónsköpunar og tónlistarflutnings.

Hæfni

Að loknu námi getur nemandi hagnýtt þekkingu sína og leikni í starfi og/ eða frekara námi.
​Í því felst að nemandi:

• Hafi hæfni til sjálfstæðrar tónsköpunar í samtali við samtímann og aðrar listgreinar.
• Hafi tileinkað sér gagnrýna sýn á eigin listsköpun og annarra.
• Sé læs á rannsóknir og geti beitt gagnrýnni nálgun við greiningu viðfangsefna
• Sé fær um að túlka og miðla hugmyndum og viðfangsefnum sínum með skýrum hætti í rituðu og mæltu máli.
• Hafi þróað með sér sjálfstæð vinnubrögð til frekara náms og starfa.
• Hafi hæfni til að skipuleggja og vinna að skapandi samstarfsverkefnum.