Hæfniviðmið námsbrautar

Þekking

Að loknu námi býr nemandi yfir þekkingu á sviði kirkjutónlistar.
​Í því felst að nemandi:

• Hafi góða þekkingu á afmörkuðu fræðasviði listgreinarinnar.
• Skilji aðferðir sem liggja til grundvallar hljóðfæraleik og söng við kirkjuathafnir.
• Hafi innsæi og skilning til að nálgast viðfangsefni hljóðfæraleiks og söngs sem sjálfstæður einstaklingur.
• Hafi þekkingu á starfsumhverfi kantors/organista.
• Þekki undirstöðuatriði leitar- og upplýsingatækni.
• Þekki tækja- og hugbúnað sem þjónar listgreininni.
• Hafi grunnþekkingu á lagalegu umhverfi tónlistarmanna.

Leikni

Að loknu námi getur nemandi beitt aðferðum og verklagi á sviði kirkjutónlistar.
​Í því felst að nemandi:

• Hafi öðlast færni í tónlistarflutningi og geti samhæft tækni og túlkun.
• Geti tekið gagnrýna afstöðu til eigin verkefna og annarra.
• Geti tekið ákvarðanir og rökstutt mál sitt á faglegum grunni.
• Búi yfir tækni og leikni til að vinna sjálfstætt.
• Hafi víðsýni og frumleika í hugsun, sköpun og túlkun.
• Greini hvenær þörf er á upplýsingum og hafi færni til að afla þeirra, meta áreiðanleika og nýta á viðeigandi hátt.
• Hafi tamið sér leitandi og fjölbreytt vinnubrögð.
• Geti nýtt sér tækja- og tæknibúnað.

Hæfni 

Að loknu námi getur nemandi hagnýtt þekkingu sína og leikni í starfi og/ eða frekara námi.
​Í því felst að nemandi:

• Hafi tileinkað sér vinnubrögð sem eru viðurkennd á viðkomandi starfs- og fræðasviði
• Geti unnið sjálfstætt og skipulega, sett sér markmið, gert starfsáætlun/verkáætlun og fylgt henni.
• Geti beitt viðurkenndum aðferðum við að afla gagna sem tengjast starfi kantors/organista
• Hafi mótað innsæi til mannlegra samskipta við kirkjustarf.
• Sé fær um að túlka og kynna hugmyndir sínar.
• Geti tekið virkan þátt í samstarfi og stjórnað hópvinnu.
• Hafi þróað með sér hæfni til frekara náms innan tónlistarinnar.