Hæfniviðmið

Þekking

Að loknu námi býr nemandi yfir þekkingu á sviði hönnunar.
Í því felst að nemandinn:

• þekki fagleg viðfangsefni hönnunar og álitamál,
• hafi aflað sér þekkingar með rannsóknum og listsköpun,
• geti fært rök fyrir ákvarðanatöku við úrlausn verkefna,
• hafi þekkingu á hugmyndum og hugtökum tengd hönnun og þekki til helstu strauma, kenninga, aðferða og verka á sviði hönnunar,
• þekki til ólíkra rannsóknaraðferða á sviði hönnunar,
• hafi þekkingu á siðfræði og skilning á siðferðislegri ábyrgð hönnuða.

Leikni

Að loknu námi getur nemandi beitt aðferðum og verklagi á sviði myndlistar. Í því felst að nemandinn:

• hafi tileinkað sér vinnubrögð sem nýtast í hönnunarstarfi,
• hafi kunnáttu til að greina upplýsingar og miðla þeim með ólíkum miðlum, 
• geti skilið og tekist á við flókin og fagleg viðfangsefni hönnunar,
• geti nýtt þekkingu sína og skilning til að takast á við margbreytileg viðfangsefni í hönnun,
• hafi náð tökum á og geti beitt viðeigandi aðferðum, tækni og hugbúnaði við mótun, úrvinnslu, framsetningu, útgáfu og útfærslu á verkum og viðfangsefnum,
• geti aflað gagna, greint þau og metið í rannsóknar- og hönnunarferli,
• geti sýnt frumleika í verki, beitt innsæi og ímyndunarafli í hönnunarvinnu,
• geti nýtt þekkingu sína og skilning á hönnun og tengdum fagsviðum til að takast á við mismunandi aðstæður og áður óþekkt álitamál sem kunna að koma upp í hönnunarferli,
• geti tekið sjálfstæðar ákvarðanir við mótun, úrvinnslu og framkvæmd verkefna og rökstutt á faglegum grunni,
• hafi getu og innsæi til að takast á við flókin viðfangsefni, að samþætta þekkingu og miðla henni  með hönnun,
• geti þróað og beitt rannsóknaraðferðum í hönnunarferli,
• sé læs á eigin verk og annarra á faglegum forsendum, og komist að sjálfstæðum og rökstuddum niðurstöðum.

Hæfni

Að loknu námi getur nemandi hagnýtt þekkingu sína og leikni í starfi og/ eða frekara námi. Í því felst að nemandinn:

• hafi þróað með sér nauðsynlega námshæfni og sjálfstæði í hönnun til að geta tekist á við frekara nám,
• geti átt frumkvæði að og stýrt verkefnum, geti tekið virkan þátt í og leitt samstarf og axlað ábyrgð á eigin vinnu og vinnu annarra,
• geti sett fram margbrotin viðfangsefni í hönnun og geti miðlað þeim út frá faglega rökstuddum niðurstöðum á almennum og sérhæfðum vettvangi,
• hafi hæfni til að setja fram og lýsa faglegum viðfangsefnum hönnunar í ræðu og riti á ensku,
• geti tekið sjálfstæðar, faglegar ákvarðanir og rökstutt þær,
• geti tekið sjálfstæða og gagnrýna afstöðu til þess hvaða greiningaraðferðir séu viðeigandi í hönnunarferli.