Tónlistardeild

Hljóðfæraleikur B.Mus.

Kennsluskrá 2022-2023

Hæfniviðmið námsbrautar

Þekking

Að loknu námi býr nemandi yfir þekkingu á sviði hljóðfæraleiks.
​Í því felst að nemandi:

  • Hafi þekkingu á kenningum og hugtökum listgreinarinnar, svo sem tónfræði, tónbókmenntum, tónlistarsögu og stílbrigðum tónlistarinnar.
  • Skilji aðferðir sem liggja til grundvallar iðkunar hljóðfæraleiks og söngs.
  • Hafi innsæi og skilning til að nálgast viðfangsefni hljóðfæraleiks sem sjálfstæður einstaklingur.
  • Hafi þekkingu á starfsumhverfi listgreinarinnar. 
  • Þekki undirstöðuatriði leitar- og upplýsingatækni.
  • Þekki tækja- og hugbúnað sem þjónar listgreininni.
  • Hafi grunnþekkingu á lagalegu umhverfi tónlistarmanns, réttindum flytjenda og höfunda.

Leikni 

Að loknu námi getur nemandi beitt aðferðum og verklagi á sviði hljóðfæraleiks.
​Í því felst að nemandi:

  • Hafi öðlast færni í tónlistarflutningi og geti samhæft tækni og túlkun.
  • Geti tekið gagnrýna afstöðu til eigin verkefna og annarra.
  • Geti beitt gagnrýnum aðferðum við listsköpun.
  • Geti tekið ákvarðanir og rökstutt mál sitt á faglegum grunni.
  • Búi yfir tækni og leikni til að vinna sjálfstætt.
  • Hafi víðsýni og frumleika í hugsun, sköpun og túlkun.
  • Greini hvenær þörf er á upplýsingum og hafi færni til að afla þeirra, meta áreiðanleika og nýta á viðeigandi hátt.
  • Hafi tamið sér leitandi og fjölbreytt vinnubrögð.
  • Geti nýtt sér tækja- og tæknibúnað.

Hæfni

Að loknu námi getur nemandi hagnýtt þekkingu sína og leikni í starfi og/eða frekara námi.
​Í því felst að nemandi:

  • Geti unnið sjálfstætt og skipulega, sett sér markmið, gert starfsáætlun/verkáætlun og fylgt henni.
  • Hafi mótað innsæi til sjálfstæðrar sköpunar.
  • Sé fær um að flytja/túlka tónlist öðrum til ánægju.
  • Geti tekið virkan þátt í samstarfi og stjórnað hópvinnu.
  • Sé fær um að túlka og kynna hugmyndir sínar og rannsóknarniðurstöður.
  • Hafi þróað með sér hæfni til frekara náms innan tónlistarinnar.
A Aðalfag
F Fræði
H Hagnýt þekking
T Tækni
V Vinnustofa
B Bundið val
S Skylda
V Val

Fyrri ár

Uppbygging náms

Rennið niður síðuna til að skoða uppbyggingu náms