Sláðu inn leitarorð
Upptaka frá fyrirlestri Unu Bjargar Magnúsdóttur
Hér má finna upptöku frá fyrirlestri Unu Bjargar Magnúsdóttur myndlistarkonu sem fór fram föstudaginn 5. mars síðast liðinn. Athugið að fyrirlesturinn er á ensku.
Una Björg lauk B.A.-gráðu í myndlist við Listaháskóla Íslands 2014 og stundaði síðar M.A. nám í myndlist við École cantonale d’art de Lausanne í Sviss, þaðan sem hún útskrifaðist 2018. Una Björg hefur verið virk á sýningarvettvangi hérlendis frá því að hún lauk námi, hlotið styrki, listamannalaun og átt frumkvæði að áhugaverðum samsýningum og uppákomum á myndlistarsviðinu.
Una Björg vinnur með ýmsa muni og uppstillingar í verkum sínum sem oft á tíðum eru hreyfanleg eða gefa frá sér hljóð. Hið ofurkunnulega birtist oft í innsetningum hennar, skúlptúrískum sviðsetningum og myndverkum, um leið og afbygging á sér stað er ögrar og afhjúpar.