Þann 13. maí síðastliðinn var bókin Looking for Direction - Rethinking Theatre Directing Practices and Pedagogies in the 21st Century gefin út í Berlín. Una Þorleifsdóttir, dósent við sviðslistadeild, var einn af ritstjórum þessarar viðamiklu útgáfu auk þess að rita þar grein þar sem hún skoðar leiðir til að virkja innsæið með markvissum hætti í sköpunarferlinu: Thoughts on Intuition and the Creative Process – Contradictory and practical ways to become more intuitive in our work.
Bókin er afrakstur þriggja ára vinnu Alexandría Nova, sem er samstarfsnet leikstjórnarbrauta við norður-evrópska sviðslistaháskóla. Sviðslistadeild Listaháskólans hefur verið hluti af samstarsnetinu frá upphafi og hafa bæði kennarar og nemendur deildarinnar tekið þátt í hinum ýmsu viðburðum því tengdu. Hópur nemenda og kennara frá sviðshöfundabraut sviðslistadeildar var staddur í Berlín nú á dögunum þegar bókin var gefin út, þar sem þau tóku þátt í einum af viðburðum netsins, Berlin Jam, sem markar þriggja ára samstarf skólanna og lok þessa þessa gjöfula samstarfsverkefnis.
Við óskum Unu Þorleifsdóttur innilega til hamingju með útgáfuna.