Genki Instruments hlutu Hönnunarverðlaun Íslands 2019

„Óli Bjarki og Danni tóku þátt í hraðli hjá Startup Reykjavík sumarið 2015. Þá langaði til að samtvinna sín helstu áhugamál sem eru tónlist og verkfræði og fyrsta hugmyndin þeirra var að búa til hljóðfæri þar sem hluta af hljóðfærinu væri stýrt með handahreyfingum. Svo áttu þeir fund með Höllu Helgadóttur framkvæmdarstjóra Hönnunarmiðstöðvar sem benti þeim á að verkefnið yrði að hafa skýrari sýn og að eitt sem þeir gætu gert væri að ráðfæra sig við hönnuð. Þá höfðu þeir samband við mig en ég var nýbúin með meistaranám í gagnvirknihönnun (e.interaction design) í Malmö þar sem að ég hafði einblínt á samtal tónlistarmanna við áhorfendur og er svo sjálfur með bakgrunn í tónlist. Svo var eiginlega frekar mikil tilviljun að Óli Bjarki heyrði í mér, ég þekkti hann ekki beint en vissi hver hann var. Ég var nýbúinn með námið og hafði komið heim til Íslands í sumarfrí, ég var búin að vera á landinu í svona þrjá daga þegar Óli Bjarki heyrði í mér. Ég auðvitað stökk bara á þetta því verkefnið hljómaði svo spennandi. Haraldur var einn af þeim sem var að stýra Startup Reykjavík á þessum tíma en hann er hagfræðingur og hefur þennan skilning á markaðsfræði og fjármálum sem okkur vantaði, svo við stálum honum til okkar. Þorleifur kemur svo aðeins seinna inn með grafísku hönnunina. Við Þorleifur höfum unnið lengi saman að allskonar verkefnum, til dæmis unnum við tveir í samstarfi við Jónsson og Le’Macks að hönnun umbúða á Norðursalti, við fengum Red Dot verðlaun fyrir það verkefni. Við vinnum vel saman og það skilar sér í hönnuninni.

 

Tónlistarmenn geta nýtt Wave á mjög fjölbreyttan hátt, en fyrir utan að nota hringinn til að spila tónlist, er hægt að nýta sér hann sem fjarstýringu til dæmis við upptökur á tónlist. Ef þú styðst við tölvu til að taka upp hljóð, geturðu verið inní söngklefa í upptökustúdíói að flytja tónlistina og byrjað eða stoppað upptökuna innan úr klefanum með hringnum. Síðan hafa margir tónlistarmenn notað þetta á tónleikum. Halldór Eldjórn notaði þetta til dæmis þegar hann spilaði í útgáfuboði HA eftir að við tókum við Hönnunarverðlaununum. Hann sagði okkur frá því að Wave hefði haft rosaleg áhrif á hvernig hann samdi verkið sem hann spilaði þarna því allt í einu voru möguleikar Wave farnir að stýra tónsmíðinni og leiddu hann áfram í að búa til eitthvað sem hann hefði ekki búið til annars.

Wave þarf ekki að einskorðast við tónlistarbransann en nú þegar búið er að hanna hringinn er hægt að yfirfæra hann á allskonar aðra hluti. Ýmisleg fyrirtæki hafa haft samband við okkur og sýnt áhuga á að innleiða þessa tækni í allt annað samhengi, ég get ekkert sagt meira um það núna, annað en að það eru mjög spennandi verkefni framundan.“

NÚ ER KOMIÐ ÞIÐ ÚR MJÖG ÓLÍKUM ÁTTUM, HVAÐA ÁHRIF HEFUR ÞAÐ Á SAMSTARFIÐ?
„Genki Instruments er svona klassísk þverfagleg hópavinna. Af því að við komum úr svo ólíkum áttum höfum við mjög ólík sjónarmið sem skarast og klassa alveg endalaust. En staðreyndin er sú að enginn okkar hefði getað gert þetta einn, við hefðum komist að allt annarri niðurstöðu ef við hefðum ekki unnið saman. Við horfum ólíkt á heiminn, sem getur verið erfitt en skilar sér alltaf í miklu betri ákvörðunum. Óli Bjarki og Danni koma inn í þetta með bakgrunn úr verkfræðinni og hugsa kannski oftar hvernig er hægt að gera hlutina, á meðan við hönnuðirnir látum það ekki endilega stoppa okkur og hugsum frekar hvað er hægt að gera. Til að fá einhverja áhugaverða útkomu þarf auðvitað að vita bæði hvað á að gera og hvernig á að gera það. En þetta er að sjálfsögðu ekki svona klippt og skorið. Við erum allir í öllu. Við tökum líka alltaf slaginn og rökræðum um hlutina þangað til við komumst að niðurstöðu sem allir eru ánægðir með. Halla Helgadóttir lýsti þessu samstarfi okkar sem „jákvæðri togstreitu milli verkfræðinga og hönnuða,“ og ég held að það sé frekar góð skilgreining á Genki Instruments.

 

„Já hún hefur örugglega gert það þegar maður pælir í því. Meistaranámið sem ég var í gekk samt út á þverfagleika svo ég vissi alveg frá byrjun að þessi þverfagleiki Genki Instruments yrði styrkleiki. Ég hafði oft upplifað að vera með hugmynd og byrja á verkefni sem ég gat ekki klárað því mig vantaði sérfræðiþekkingu annarra, ég var kannski með klikkaðar hugmyndir í hausnum en hefði þurft aðstoð snillinga til að framkvæma hugmyndirnar. Genki gaf mér svo allt í einu tækifæri til að framkvæma eitthvað sem ég hefði aldrei getað gert einn. Mér finnst samvinnan hins vegar töluvert meira krefjandi en hefðbundnari hönnunarvinna. Í samvinnunni er maður alltaf í baráttu við þessa togstreitu og þarf að leggja svo mikið á sig til að skilja aðra og gera sig skiljanlegan. Þannig að núna, eftir að hafa verið í mikilli samvinnu, finnst mér allt í einu miklu rólegra að vinna hefðbundna hönnunarvinnu, eins og til dæmis húsgagnahönnun, og vinna þá einn. Samtalið sem á sér stað í þeirri vinnu er ekki jafn rafmagnað.

Mér finnst spennandi að takast á við mismunandi krefjandi verkefni, hvort sem þau eru í þverfaglegri samvinnu eða innan míns fags og ég stefni bara á að halda áfram að kljást við krefjandi og spennandi hluti sem vöruhönnuður.“

„Eins og við hugsum þetta núna er fyrsta kynslóð af Wave komin í framleiðslu, tónlistarmenn eru farnir að nota vöruna og fyrirtæki farin að þróa hana til að aðlaga að sínum þörfum. Nú tekur bara við áframhaldandi vinna við að kynna vöruna útá við og síðan langar okkur að gera aðra kynslóð af hringnum. Við sjáum fyrir okkur að halda áfram á þessari braut og einbeita okkur að því að bæta samskipti fólks við tæknina, það eru alls konar tækifæri fólgin í því.“