Barnamenningarhátíð verður haldin í Reykjavík dagana 9.- 14. apríl 2019
Leiðarljós hátíðarinnar eru gæði, margbreytileiki, jafnræði og gott aðgengi að menningu barna, með börnum og fyrir börn.
Vettvangur hátíðarinnar er borgin öll og fara fjölbreyttir viðburðir fram í grunnskólum, leikskólum, frístundamiðstöðvum og listaskólum. Jafnframt er boðið upp á dagskrá í Ráðhúsi Reykjavíkur, Hörpu og lista- og menningarstofnunum borgarinnar.
Þátttökuhátíðin rúmar allar listgreinar sem börn og fullorðnir geta notið sér að kostnaðarlausu.
Nemendur listkennsludeildar LHÍ taka virkan þátt í Barnamenningarhátíð 2019 og bjóða upp á þrjár smiðjur fyrir áhugasöm börn og aðstandendur þeirra.
12.-14. apríl
LUNDAKAST
Stór þáttur þessa verkefnis fer í það að eiga samtal við börn um hvað þeim finnst skemmtilegt og koma þeirra hugmyndum á framfæri. Leikurinn snýst um að létta lundina og finna í okkur lundann.
Lundakast er samstarfsverkefni Hönnu Jónsdóttur og Ninnu Þórarinsdóttur. Ninna útskrifaðist með MA í barnamenningarhönnun frá HDK í Gautaborg árið 2015. Hanna stundar nám í listkennslu á meistarastigi við Listaháskóla Íslands. Þær eru báðar útskrifaðir hönnuðir frá Design Academy Eindhoven.
Tímasetning
12. apríl 12:00 - 16:00
13.apríl 10 - 14
14.apríl 12-16
Staðsetning
Tjarnarsalur Ráðhúsinu
Heimilisfang
Tjarnargata 11, 101, Reykjavík
13. apríl
FJÖLSKYLDUSTUND. HREYFING/DANSAÐ Í GEGNUM ÆVINTÝRI
Gott er að koma í þægilegum fatnaði sem hægt er að hreyfa sig í. Hvor smiðja er 35 mínútur.
Umsjón Guðrún Margrét A. Jóhannsdóttir, Guðrún Óskarsdóttir og Ingunn Elísabet Hreinsdóttir.
Tímasetning
13. apríl, 12:00 - 12:35
Staðsetning
Borgarbókasafnið Gerðuberg
Heimilisfang
Gerðuberg 3, 111, Reykjavík
14. apríl
BRÚÐULEIKHÚS – ÞEGAR HVERSDAGSLEGIR HLUTIR LIFNA VIÐ
Þátttakendur fá að upplifa og hafa áhrif á það hvernig hversdagslegir hlutir öðlast líf. Það má búast við alls kona ævintýrum í þessari fjölskyldusmiðju.
Umsjón Anna Íris Pétursdóttir, J. Vala Höskuldsdóttir og Sigríður Eir Zophaníasdóttir.
Tímasetning
14. apríl, 12:00 - 12:35
Staðsetning
Borgarbókasafnið Gerðuberg
Heimilisfang
Gerðuberg 3, 111, Reykjavík