Alvar Rosell Martin útskrifast úr meistaranámi í sköpun, miðlun og frumkvöðlastarfi (NAIP) frá Listaháskóla Íslands.
Hann heldur útskriftarsýningu í Mengi þann 4.maí kl.21:00 þar sem verkið The Sunflower Man verður flutt.
The Sunflower Man er sjónræn sýning sem fjallar um líf John Strawberry. Á sviði flakkar Álvar Rosell Martin á milli veruleika hans og ímyndunaraflsins, lemstrað af kvíða samtímans. The Sunflower Man er útskriftarverk Álvars Rosell Martin frá NAIP deild Listaháskóla Íslands. Húsið opnar kl 20:30 | Miðaverð er 2.000 kr. Skráning á viðburðinn fer fram hér.
---
Sigríður Salvarsdóttir og Una María Bergmann útskrifast úr meistaranámi í sköpun, miðlun og frumkvöðlastarfi (NAIP) frá Listaháskóla Íslands. Útskriftarsýning þeirra fer fram í Mengi þann 5.maí kl.20:00 þar sem verkið Sannleikarnir verður flutt.
Sigríður Salvarsdóttir og Una María Bergmann kynntust við nám sitt í söng í Listaháskóla Íslands. Þær héldu síðan báðar í framhaldsnám í Sköpun, miðlun og frumkvöðlastarfi við tónlistardeild Listaháskóla Íslands. Þar sem áhugasvið þeirra mættust á skemmtilegan máta ákváðu þær að vinna að lokaverkefni úr Sköpun, miðlun og frumkvöðlastarfi saman og úr því varð söngperan Sannleikarnir. Söngóperan er unnin í samstarfi við Gunnhildi Birgisdóttur tónskáld og Tómas Helga Baldursson sviðshöfund.
Húsið opnar kl. 19:30 | Miðaverð er 2.000 krónur. Skráning á viðburðinn fer fram hér.
Báðir viðburðir verða í beinu streymi frá streymisvef skólans.