Þann 6. desember mun hinn heimsþekkti tenórsöngvari Stuart Skelton leiðbeina nemendum söngbrautar í opnum tíma. Með söngvurunum leikur Matthildur Anna Gísladóttir.
Tíminn fer fram í Flyglasal, Skipholti 31 frá kl 14-17.
Áhugasamir eru velkomnir að mæta og fylgjast með.
Sandra Lind Þorsteinsdóttir heldur útskriftartónleika frá söngbraut tónlistardeildar LHÍ í Salnum í Kópavogi, föstudaginn 3. maí kl. 19. Efnisskrá tónleikanna er fjölbreytt og inniheldur tónlist allt frá 17. öld og fram til dagsins í dag. Íslensk, bandarísk og þýsk ljóð munu hljóma í bland við aríur og dúetta úr ýmsum áttum.
Auk Söndru Lindar koma fram:
- Matthildur Anna Gísladóttir, píanó
- Una María Bergmann, mezzó-sópran
- Sigurlaug Björnsdóttir, þverflauta
- Katrín Arndísardóttir, víóla
Útskriftartónleikar Sigríðar Salvarsdóttur af söngbraut tónlistardeildar LHÍ fara fram í Salnum í Kópavogi, föstudaginn 3. maí kl. 20:30. Á efnisskrá eru sönglög eftir Fanny Hensel, Clöru Schumann, Poldowski, Elínu Gunnlaugsdóttur, Norbert Palej, Leonard Bernstein, Igor Stravinsky og Cindy Laper. Með henni leikur Helga Bryndís Magnúsdóttir á píanó.
Aðgangur ókeypis og öll hjartanlega velkomin.
Eliška Helikarová heldur útskriftartónleika sína frá söngbraut tónlistardeildar LHÍ föstudaginn 3. maí kl. 17:30 í Salnum í Kópavogi. Með henni leikur Aladár Rácz á píanó. Öll hjartanlega velkomin og aðgangur ókeypis.
-----
Eliška Helikarová gives her graduation recital at Salurinn, Kópavogur on Friday, May 3, at 5:30 pm. Joined by Aladár Rácz on piano. Free entrance and everybody welcome.
María Sól Ingólfsdóttir heldur útskriftartónleika sína frá Listaháskóla Íslands fimmtudaginn 2. maí kl. 20 í Salnum í Kópavogi. Á efnisskrá er tónlist eftir Verdi, Sibelius, Megas (Magnús Þór Jónsson), Magna Frey Þórisson, Andrés Þór Þorvarðsson og Katrínu Helgu Ólafsdóttur.
María Sól mun ljúka bakkalárprófi í klassískum söng frá LHÍ í vor ef hún nær að klára ritgerðina. María Sól trúir því að tónlist sé galdur og hlakkar mikið til tónleikana.
Útskriftartónleikar Unu Maríu Bergmann fara fram í Salnum í Kópavogi, fimmtudaginn 2. maí kl. 18. Á tónleikunum flytur Una María m.a. sönglög og aríur eftir W. A. Mozart, Johannes Brahms, Claude Debussy og Jórunni Viðar. Öll hjartanlega velkomin og aðgangur ókeypis.
Auk Unu Maríu koma fram þær Sandra Lind Þorsteinsdóttir, söngkona, Steina Kristín Ingólfsdóttir, víóluleikari, Guðný Charlotta Harðardóttir, píanóleikari og Matthildur Anna Gísladóttir, píanóleikari og aðjúnkt við tónlistardeild LHÍ:
