Pétur Ármannsson hefur verið ráðinn fagstjóri leikaranáms við sviðslistadeild LHÍ.
Pétur Ármannsson er sviðslistamaður og leikstjóri búsettur í Reykjavík. Hann útskrifaðist með BFA í leiklist frá Listaháskóla Íslands 2012 en sótti starfsþjálfun í leikstjórn við Schaubuhne leikhúsið í Berlin ári seinna. Pétur er annar stofnenda leikhópsins Dance For Me ásamt Brogan Davison en saman hafa þau sýnt verk sín um allan heim. Pétur er annar af listrænum stjórnendum Reykjavík Dance Festival en þar áður starfaði Pétur sem listrænn ráðunautur og fastráðinn leikstjóri við Borgarleikhúsið. Pétur var tilnefndur sem leikstjóri ársins í Grímuverðlaununum 2019 fyrir sína vinnu við sýninguna Club Romantica.
Við bjóðum Pétur velkominn til starfa!
