Söngnemendur tónlistardeildar LHÍ hafa staðið að hádegistónleikum á miðvikudögum síðustu misseri en tónleikaröðin stendur yfir í um 7 vikur í senn. Nú er komið að öðrum tónleikum Gleym-mér-ei þetta vormisserið en í ljósi aðstæðna verða þeir í beinu streymi á vef skólans live.lhi.is Streymi hefst kl. 12:15 og meðleikari er Eva Þyri Hilmarsdóttir.
Að þessu sinni munu þær Ragnheiður Ingunn Jóhannsdóttir og Elín Bryndís Snorradóttir flytja verk eftir Claude Debussy, Ernest Chausson, Anton Webern og Wolfgang Amadeus Mozart.
