ATH vegna núverandi ástands verður sýningin aðeins aðgengileg almenningi í gegnum beint streymi á vefnum kl. 17:30 sem nálgast má HÉR.
Eins og verkur í maganum
Eins og kökkur í hálsinum
Eins og fiðringur upp eftir bakinu
Eins og dofi í höndunum
Eins og þrýstingur í augunum
Eins og eirðarleysi í fótleggjunum
Eins og stingur
Eins og kitl
Eins og ólga
Eins og ógleði
Eins og tilfinningin sem maður fær þegar mann dreymir að maður sé að detta:
Kippur
Hjartsláttur
Léttir
Hjartsláttur
Léttir
Hjartsláttur
Léttir
Stundum kíki ég á þig á meðan þú sefur, til að vera viss um að þú andir.
Á tímabilinu 1. október - 26. nóvember stendur yfir röð einkasýninga BA nemenda á 3. ári í myndlist, alls 24 sýningar.
Á hverjum fimmtudegi opna í senn þrjár einkasýningar á mismunandi sýningarstöðum í Listaháskólanum í Laugarnesi; í Kubbnum á 2. hæð, í Naflanum sem er inni í miðju skólans á 1. hæð og í Huldulandi sem staðsett er norðanmegin á 1. hæð. Opnanir eru frá kl. 17 - 19 á fimmtudögum.
Facebook viðburður / Allar einkasýningar 3. árs nema í myndlist