Fimmtudaginn 14. júní kl. 9.00 - 10.30 í fyrirlestrarsal Þjóðminjasafns Íslands
Opinn fundur á vegum samstarfsaðila Snjallræðis 
 
Hrund Gunnsteinsdóttir, þróunarfræðingur og stjórnarformaður Tækniþróunarsjóðs, heldur opið erindi um samfélagslega nýsköpun. Umræðan verður sett í samhengi við fjórðu iðnbyltinguna og áherslur í nýsköpun og hugvitsdrifnum hagkerfum. Hvað er samfélagsleg nýsköpun og hvað þarf frumkvöðlastarfsemi að fela í sér svo hún geti talist samfélagsleg? 
 
Örkynningar á áhugaverðum samfélagsverkefnum sem sýna glöggt fjölbreytt litróf samfélagslegarar nýsköpunar hér á landi.
 
Kynning á Snjallræði, fyrsta íslenska samfélagshraðlinum sem hefur göngu sína næstkomandi haust.
 
Ekki láta þennan viðburð framhjá ykkur fara! 
 
Boðið verður upp á kaffiveitingar í hléi.
Allir velkomnir.
 

Háskóli Íslands, Reykjavíkurborg, FESTA, atvinnuvega-, iðnaðar- og nýsköpunarráðuneytið, Listaháskóli Íslands, Nýsköpunarmiðstöð og Höfði friðarsetur skuldbinda sig til samstarfs um undirbúning að stofnun viðskiptahraðals á sviði samfélagslegrar nýsköpunar samkvæmt samningi þessum. Samningurinn hefur enga fjárhagslega skuldbindingu í för með sér fyrir samstarfsaðila en í samstarfinu felst ráðgjöf, aðgangur að mannauði og aðstoð við þróun og kynningu. Höfði friðarsetur Reykjavíkurborgar og Háskóla Íslands og Nýsköpunarmiðstöð sjá um framkvæmd verkefnisins og er umsýsla og skipulag í höndum verkefnisstjóra Höfða friðarseturs.