Verið velkomin á opnunina 14. september kl. 19.
Við opnun munu leikarar úr leikhópnum Húmor sem er leikhópur Hlutverkaseturs vera með gjörning. Stjórnandi er Edna Lupida. Öll verkin eru unnin á námskeiðum listkennaranna Anna Henriksdóttur og Svöfu Björg Einarsdóttur hjá Hlutverkasetri. Edna, Anna og Svafa Björg eru allar útskrifaðar frá Listkennsludeild Listaháskóla Íslands.
Undirbúningur sýningarinnar hófst með ferð á bókasafn Norræna hússins þar sem skoðaðar voru ævintýrabækur. Út frá þeim spunnust hugmyndir og ólíkar nálganir. Nokkrir gerðu eftirmyndir af ævintýrum, aðrir spunnu nýja sögu eða breyttu sögum en nýttu persónurnar. Enn aðrir sköpuðu ný ævintýri, nýjar persónur og ný hlutverk. Stundum endaði þetta með samruna ævintýra.
Á sýningunni eru málverk, teikningar og vatnslitamyndir en þar að auki bókverk, óhefðbundnar bækur og handbrúður.
Um Hlutverkasetur:
Hlutverkasetur er endurhæfingarmiðstöð sem eflir virkni og þátttöku fólks sem misst hefur hlutverk í lífinu. Þátttakendur hafa fengið leiðsögn í sköpun listaverka.
