Rektor, Fríða Björk Ingvarsdóttir, skýrði frá helstu niðurstöðum skýrslu úttektarnefndar á vegum Gæðaráðs háskólanna um gæði náms og kennslu við Listaháskólann. Hlaut skólinn hæstu einkunn sem gefin er íslenskum háskólum.
Framkvæmdastjóri gerði grein fyrir ársreikningi, en halli á rekstri var 3 milljónir króna fyrir almanaksárið 2014.
Deildarforsetar sögðu frá helstu stefnumálum og framtíðarsýn sinna deilda og sátu síðan í pallborði sem Ólöf Gerður Sigfúsdóttir forstöðumaður rannsóknaþjónustu stýrði. Líflegar umræður spunnust m.a. um þróun meistaranáms, rannsóknir og samstarfið við fagvettvang listgreina.
Kolbrún Halldórsdóttir formaður stjórnar skólans stýrði fundinum.