Síðasta vetur vann skipaður starfshópur sem var ætlað það hlutverk að skýra og skerpa á hlutverki félagsins. Niðurstaða þeirrar vinnu voru m.a. tillögur að breytingum á samþykktum félagsins. Síðan hefur stjórn félagsins unnið að því að útfæra þessar breytingartillögur og eru þær nú til kynningar á vefsíðu félagsins:
Stjórn hvetur alla félagsmenn til að kynna sér þessar breytingar og láta sig þær varða.
Töluverðar breytingar hafa átt sér stað undanfarin tvö ár í stjórnunarteymi Listaháskólans og það sama er fyrirsjáanlegt hjá Félagi um Listaháskóla. Á sama tíma og nýjar samþykktir verða boðnar undir aðalfund kveðja þrír stjórnarmenn félagsins og búa þannig til pláss og undirstöðu fyrir nýja stjórnarmenn að leiða félagið og Listaháskólann inn í nýtt þroskaskeið.
Á fundinum verður kosið í stjórn félagsins og í stjórn Listaháskóla Íslands. Kosnir verða þrír fulltrúar í stjórn félagsins til 2ja ára. Árni Heimir Ingólfsson, Jóhann Sigurðsson og Kristinn E. Hrafnsson gefa ekki kost á sér til áframhaldandi setu. Einnig verður kosið um varamann.
Kosið verður í eitt sæti til 3ja ára í stjórn LHÍ en Jón Ólafur Ólafsson gefur kost á sér til áframhaldandi setu. Einnig verður kosið um varamann.
Gefi félagsmenn kost á sér til stjórnasetu er æskilegt að þeir láti vita fyrir 1. desember með því að hafa samband við formann félagsins, Jóhann Sigurðsson í síma 696-9905 eða í tölvupósti: .
Félagsmenn eru vinsamlega beðnir að senda netfang sitt og heimilisfang á netfangið flhi [at] lhi.is (efni/subject: félagalisti) svo hægt sé að uppfæra félagalista.
Rétt til setu á fundum félagsins hafa einungis skuldlausir félagar og nýir félagar sem hafa skráð sig í félagið og greitt félagsgjöld viku fyrir fund. Sbr. 8. grein samþykkta félagsins.
Árni Heimir Ingólfsson, tónlistarmaður
Halla Helgadóttir, grafískur hönnuður
Jóhann Sigurðsson, arkitekt (formaður)
Kristinn E. Hrafnsson, myndlistarmaður
Sigurþór Heimisson, leikari
Sigurður Einarsson, arkitekt (varamaður í stjórn)
Anna Líndal, myndlistarmaður
Jón Ólafur Ólafsson, arkitekt
Kolbeinn Einarsson, tónskáld