Píanómasterklass með Halldóri Haraldssyni. Miðvikudaginn 24.febrúar kl. 17
Halldór Haraldsson á að baki langan feril sem píanóleikari, kennari og skólastjóri. Hann brautskráðist frá Tónlistarskólanum í Reykjavík 1960 og frá Royal Academy of Music í London 1965. Hann hélt sína fyrstu opinberu tónleika á vegum Tónlistarfélagsins í Reykjavík 1965 og hefur síðan haldið fjölmarga einleikstónleika hérlendis og erlendis. Þá hefur hann haldið fjölda tónleika með öðrum tónlistarmönnum í kammertónlist.