Lokkur og Hulda
Berglind María Tómasdóttir dósent við Listaháskóla Íslands og Lilja María Ásmundsdóttir fyrrum nemandi við Listaháskóla Íslands koma fram á tónleikum í Mengi þann 29. apríl. Á tónleikunum leika þær á eigin hljóðfæri: Huldu og Lokk en þess má geta að hljóðfærið Huldu þróaði Lilja María sumarið 2016 á styrk frá Nýsköpunarsjóði námsmanna undir handleiðslu Berglindar Maríu og Jóns Marinós Jónssonar, fiðlusmiðs. Verkefnið var tilnefnt til Nýsköpunarverðlauna forseta Íslands.