Nemendur í tónlistardeild kynna afrakstur annarinnar með fjölbreyttum tónleikum dagana 1.-15.desember.
Nemendur á öllum brautum koma fram og flytja ýmist einleik, kammerverk eða frumsamda tónlist fyrir gesti og gangandi.
Öll hjartanlega velkomin og aðgangur er ókeypis.
Verk útskriftarnema í meistaranámi í tónsmíðum verða flutt í Kaldalóni þann 4.desember kl.18:00. Flutningurinn er í höndum Caput Ensemble og stjórnandi er Guðni Franzson.
Aðgangur ókeypis og öll velkomin.
Í tilefni sjötugsafmælis Hjálmars H. Ragnarssonar tónskálds og fyrrverandi rektors LHÍ býður tónlistardeild til samtals við Hjálmar og mun Þorbjörg Daphne Hall dósent í tónlistarfræðum ræða við hann um verk hans og listrænan feril. Þar munu Herdís Anna Jónasdóttir og Áshildur Haraldsdóttir leika brot úr Noktúrnu fyrir fjölrása rafhljóð, sópran-rödd og altflautu (1977 / 2022) og Sif Tulinius mun leika brot úr Partítu fyrir sólófiðlu (2020) eftir Hjálmar og segja frá upplifunum sínum af verkunum.
