Frá Fagstjóra

“Tónlist er eina tungumálið í heiminum sem hver sem er getur skilið hvar sem er.” (C.Debussy)

Að miðla tónlist er skemmtilegt og göfugt starf sem krefst mikils dugnaðar, einbeitni og reynslu. Klassíska hljóðfæraleikarabraut LHÍ er byggð upp á góðum gömlum gildum en hún horfir einnig fram í tímann og er framsækin. Námið er fjölbreytt og kröfuhart og veitir ungu tónlistarfólki kunnáttu og styrk til framtíðarnáms og starfs.

- Peter Maté
 
 
 

Hausttónleikar tónlistardeildar 2020

Nú líður að lokum þessa haustmisseris og að venju munu nemendaur kynna afrakstur annarinnar með hausttónleikum. 
Nemendur í söng og hljóðfæraleik flytja fjölbreytta dagskrá á tónleikaröð í beinu streymi dagana 7. og 8.desember. 
Tónleikarnir fara allir fram í tónlistarhúsi Hörpu en vegna fjöldatakmarkana verða þeir ekki opnir áhorfendum heldur verða þeir í 
beinu streymi frá vef skólans hér.


Dagskrá hausttónleika 2020  7.desember

Masterklassar með Marina Pliassova

Rússneski-norski píanistinn Marina Pliassova mun halda masterklassa dagana 21. og 22. janúar 2020. Pliassova er fædd og uppalin í Irkutsk, Rússlandi. Hún flutti til Noregs 1995 og er nú deildarstjóri píanódeildar “Ungir talentar” í Barratt Due Institute í Osló. Yfir 120 nemendur Marinu hafa unnið til verlauna í alþjóðlegum píanó- og kammertónlistarkeppnum. Marina hefur haldið tónleika, masterklassa og setið í keppnisdómnefndum víða um Evrópu.

Masterklassarnir fara fram í flyglasal tónlistardeildar Listaháskóla Íslands, Skipholti 31 og í Salnum MÍT, Skipholti 33.