Leikarinn sem höfundur - 3.ár leikara
Leikarinn sem höfundur er námskeið er byggist á því að nemendur takast á við verkefni sem reyna á færni þeirra í skapandi og fræðilegum vinnubrögðum, skilningi og yfirsýn. Í námskeiðinu vinna nemendur sjálfstætt undir handleiðslu kennara, sem að þessu sinni voru tveir - þeir Guðmundur Ingi Þorvaldsson og Hilmir Jensson, að því að búa til einstaklingsverkefni sem þeir telja að endurspegli þá best sem listamenn í samhengi við sviðslistir samtímans. Nemendur fengu frjálsar hendur við val á viðfangsefni og nálgun og voru því ekki bundnir við fyrirfram gefið form eða innihald.