Útskriftartónleikar Þorvalds Arnar Davíðssonar af tónsmíðabraut LHÍ fara fram í Langholtskirkju sunnudaginn 5. maí kl. 15. Flytjendur eru Hljómeyki og Miðbæjarkvartettinn og stjórnandi er Þorvaldur Örn Davíðsson.
Tónskáldin Ingibjörg Ýr Skarphéðinsdóttir og Lilja María Ásmundsdóttir fjalla um og spila tónlist sína í málstofu tónsmíðanema, föstudaginn 25. janúar 2019. Með þeim kemur fram Ingibjörg Fríða Helgadóttir, söngkona.
Málstofan fer fram frá 12:45 - 14:30 í S304 - Fræðastofu 1, Skipholti 31. Öll velkomin.
Helgina 2. - 3. febrúar næstkomandi mun franski píanóleikarinn Vladimir Stoupel halda tvær vinnusmiðjur (masterklassa) fyrir nemendur Menntaskóla í tónlist og LHÍ. Vinnusmiðjurnar fara fram milli 11 - 15 báða daga, laugardaginn 2. febrúar í Skipholti 33 og sunnudaginn 3. febrúar í Skipholti 31 (LHÍ).
Raftónskáldið Jesper Pedersen fjallar um tónlist sína og tónsmíðaaðferðir í málstofu tónsmíðanema, föstudaginn 9. nóvember 2018 klukkan 12:45 - 14:30.
Erindið fer fram í S304 (Fræðastofu 1), Skipholti 31.
Öll velkomin og aðgangur í ókeypis.
Falleg, lúmsk og helvíti ambient tónlist
Útskriftartónleikar Júlíu Traustadóttur Kondrup frá tónlistardeild LHÍ fara fram í Safnahúsinu 19. maí kl. 15. Fram koma: Júlía Traustadóttir Kondrup, sópran, Matthildur Anna Gísladóttir, píanó og semball og Hlynur Þorsteinsson, leikari. Aðgangur er ókeypis og allir hjartanlega velkomnir.
Efnisskrá:
Tónleikar í Salnum í Kópavogi sunnudagskvöldið 6. maí klukkan 20.
Una Sveinbjarnardóttir, CAPUT-hópurinn og Hljómeyki frumflytja verk eftir Ásbjörgu Jónsdóttur, Sohjung Park, Steingrím Þórhallsson og Veronique Jacques sem öll útskrifast í vor frá tónlistardeild LHÍ þar sem þau hafa lagt stund á mastersnám í tónsmíðum.
Aðgangur ókeypis og allir velkomnir.
Efnisskrá:
Útskriftartónleikar Steingríms Þórhallssonar frá tónlistardeild Listaháskóla Íslands fara fram í Neskirkju, sunnudaginn 13. maí klukkan 17. Þar verður verk hans Hulda fyrir sópran, kór, barnakór og hljómsveit frumflutt en verkið byggir Steingrímur á ljóðum Huldu (Unnar Benediktsdóttur Bjarklind). Að auki verður Konsert fyrir fiðlu og hljómsveit eftir Beethoven fluttur á tónleikunum. Sinfóníuhljómsveit áhugamanna leikur undir stjórn Oliver Kentish, einleikari er Hulda Jónsdóttir, fiðluleikari.
