Adam Switala - Who needs chaos and why are we afraid of it?

FRÆÐASTOFA 1, SKIPHOLTI 31
10.JANÚAR // 12:45 - 13:45
 
Nú er vorönn tónlistardeildar hafin og því komið að fyrsta hádegisfyrirlestri annarinnar. Að þessu sinni mun listamaðurinn Adam Świtała halda fyrirlestur í fræðastofu 1, föstudaginn 10.janúar kl 12:45. Świtała mun fjalla um áhrif óreiðunnar á sköpun og miðlun flytjandans.
 

Frá fagstjóra

Það koma nemendur úr ýmsum áttum í MA nám í tónsmíðum við LHÍ, margir þeirra erlendis frá. Bakgrunnur þeirra er ýmist raftónlist, rituð hljóðfæratónlist, hljóðfæraleikur, kvikmyndatónlist, útsetningar, tónlistarrannsóknir eða lagasmíðar. Námið er þannig byggt upp að það getur tekið á móti svo fjölbreyttum hóp. Þótt viðfangsefnin séu margvísleg er nefnilega margt sem sameinar þá sem skapa og rannsaka tónlist á meistarastigi.

Christian Öhberg: Útskriftarhátíð LHÍ

Útskriftartónleikar Christian Öhberg, meistaranema í tónsmíðum við tónlistardeild LHÍ, fara fram í Salnum í Kópavogi sunnudaginn 5. maí kl. 17.  Þar flytur CAPUT-hópurinn verk hans Babylon X fyrir sópran, flautu, óbó, klarinett, franskt horn, básúnu, ney, oud, darbouka, riqq, bongó-trommur, fiðlu, víólu, selló og bassa. Verkið byggir á texta eftir Gustav Fröding í íslenskri þýðingu Atla Ingólfssonar

Við sama tækifæri flytur CAPUT-hópurinn verk eftir Svetlönu Veschaginu sem hefur einnig lagt stund á mastersnám í tónsmíðum við tónlistardeild LHÍ. 

Lilja María og Ingibjörg Ýr í málstofu tónsmíðanema

Tónskáldin Ingibjörg Ýr Skarphéðinsdóttir og Lilja María Ásmundsdóttir fjalla um og spila tónlist sína í málstofu tónsmíðanema, föstudaginn 25. janúar 2019. Með þeim kemur fram Ingibjörg Fríða Helgadóttir, söngkona. 

Málstofan fer fram frá 12:45 - 14:30 í S304 - Fræðastofu 1, Skipholti 31.  Öll velkomin.
 

Vladimir Stoupel með tónleika og masterklassa

Helgina 2. - 3. febrúar næstkomandi mun franski píanóleikarinn Vladimir Stoupel halda tvær vinnusmiðjur (masterklassa) fyrir nemendur Menntaskóla í tónlist og LHÍ. Vinnusmiðjurnar fara fram milli 11 - 15 báða daga,  laugardaginn 2. febrúar í Skipholti 33 og sunnudaginn 3. febrúar í Skipholti 31 (LHÍ).