Vladimir Stoupel með tónleika og masterklassa

Helgina 2. - 3. febrúar næstkomandi mun franski píanóleikarinn Vladimir Stoupel halda tvær vinnusmiðjur (masterklassa) fyrir nemendur Menntaskóla í tónlist og LHÍ. Vinnusmiðjurnar fara fram milli 11 - 15 báða daga,  laugardaginn 2. febrúar í Skipholti 33 og sunnudaginn 3. febrúar í Skipholti 31 (LHÍ).

Þórarna Salóme Brynjólfsdóttir: Útskriftartónleikar

Í vor lýkur Þórarna Salóme Brynjólfsdóttir gráðu í hljóðfærakennslu. Hún hóf nám í trompetleik 10 ára gömul í Tónlistarskóla Reykjanesbæjar undir handleiðslu Láru Lilliendahl en síðar Lilju Valdimarsdóttur. Hún hóf svo nám á baritónhorn þegar hún var 17 ára gömul undir handleiðslu Hörpu Jóhannsdóttur.

Þórarna hóf nám í Listaháskólanum haustið 2014 á baritónhorn hjá Vilborgu Jónsdóttur en á öðru ári skipti hún alfarið yfir á túbu og er aðalkennari hennar Nimrod Ron.

Aldís Bergsveinsdóttir: Útskriftartónleikar

Sunnudaginn 6.maí klukkan 17:00 heldur Aldís Bergsveinsdóttir útskriftartónleika sína frá Listaháskóla Íslands í Hannesarholti. 

Á tónleikunum leikur Aldís fiðlusónötu nr. 1 eftir Grieg, 3 franska dansa eftir barokk tónskáldið Marin Marais, Adagio úr Arpeggione sónötu Schuberts og kammer verkið Dumka eftir Rebeccu Clarke. Meðleikari á tónleikunum er Richard Simm en auk hans koma fram Sigrún Mary McCormick á víólu og Anna Þórhildur Gunnarsdóttir á píanó. 

Vilborg Hlöðversdóttir: Útskriftartónleikar

Útskriftartónleikar Vilborgar Hlöðversdóttur flautuleikara frá tónlistardeild Listaháskóla Íslands fara fram í Hannesarholti við Grundarstíg 10, sunnudaginn 6. maí klukkan 14. Aðgangur ókeypis og allir hjartanlega velkomnir.
 
Efnisskrá:
 
Þorkell Sigurbjörnsson: Columbine: Siciliano
J. S. Bach: Partíta í a-moll BWV 1013
Alexander A. Alyabyev: The Russian Nightingale 
Otar Taktakishvili: Flautusónata: II. Aria. Moderato con moto 
Franz Schubert: Sonata Per Arpeggion 
 
Klassískt söng-/hljóðfærakennaranám er fjölbreytt, krefjandi og skemmtilegt þar sem maður fær leiðsögn hjá góðum kennurum og kynnist frábæru tónlistarfólki. Námið veitir góðan grunn og undirbúning fyrir verðandi tónlistarkennara.
 

Vilborg Hlöðversdóttir