Hönnun & arkitektúr

Í höfuðstöðvum Arion banka opnar sýning á verðlaunahugmyndum arkitekta að þekktum byggingum frá síðustu 80 árum á Íslandi, hugmyndir sem hlutu viðurkenningu í arkitektasamkeppnum en ekki var byggt eftir.

Á sýningunni er að finna verðlaunatillögur arkitekta að þekktum byggingum á Íslandi, hugmyndir sem hlutu viðurkenningu í arkitektasamkeppnum en ekki var byggt eftir. Sýningunni er ætlað að varpa ljósi á arkitektúr, ólíka valmöguleika og öðruvísi framtíðarsýn, hvernig hlutirnir hefðu mögulega getað orðið.

Matarhönnun og afrakstur verkefna verða til sýnis á 1. hæð Hönnunardeildar Listaháskóla Íslands í Þverholti. Þetta er samsýning Matís og Hönnunardeildar Listaháskólans. Boðið verður upp á bragðmiklar rannsóknir og nýsköpun. Afrakstur námskeiða og alþjóðlegra verkefna verður á borðum.

Árlegt útgáfupartý Mænu tímaritsins er haldið 15. mars í Hafnarhúsinu. Mæna er tímarit um hönnun á Íslandi sem gefið er út af hönnunar- og arkitektúrdeild Listaháskóla Íslands. Tímaritið er hannað og unnið af þriðja árs nemendum í grafískri hönnun en ritstjórar koma úr hópi kennara deildarinnar.

Valdar þýðingar úr rannsóknarverkefni Garðars Eyjólfssonar um samband manna og hesta í íslensku samhengi. Verkefnið er drifið áfram af efna og samhengisrannsóknum og verður miðlað með hlutum, videó, teikningum og ljósmyndum.

Sýningin Lifnaðarhættir er lifandi leikmynd nýlegra verka hönnuða og listamanna sem tengjast Listaháskóla Íslands.
Sýningin er sett upp í samtali við hátíðarsýningu Norræna Hússins Innblásið af Aalto.
Sýningarstjóri Lífsforma er Thomas Pausz.