Hæfniviðmið námsleiðar

Þekking

Að loknu námi býr nemandi yfir þekkingu á sviði vöruhönnunar.
​Í því felst að nemandi:

• Búi yfir þekkingu á kenningum, aðferðum og hugtökum um vöruhönnun.
• Hafi grunnþekkingu á starfsumhverfi vöruhönnuða.
• Hafi innsæi og skilning til að nálgast viðfangsefni í hönnun á einstaklingsbundinn hátt.Hafi skilning á hugmyndafræði og þeim hugtökum sem liggja til grundvallar vöruhönnunar.
• Þekki undirstöðuatriði leitar- og upplýsingartækni.

Leikni

Að loknu námi getur nemandi beitt aðferðum og verklagi á sviði vöruhönnunar.
​Í því felst að nemandi:

• Geti tekið gagnrýna afstöðu til upplýsinga og aðferða.
• Hafi tileinkað sér gagnrýna sýn á eigin verk og verk annarra.
• Geti tekið þátt í gagnrýnum umræðum um vöruhönnun.
• Geti tekið ákvarðanir og rökstutt þær á faglegum grunni.
• Búi yfir tækni og færni til að geta unnið sjálfstætt og skipulega að viðfangsefnum í vöruhönnun.
• Hafi tileinkað sér víðsýni og frumleika í hugsun.
• Geti lagt sjálfstætt mat á á þær hugmyndir sem unnið er með.Hafi tamið sér leitandi og fjölbreytt vinnubrögð og áræðni í úrlausnum.
• Geti nýtt sér tækni og búnað sem þjónar greininni.

Hæfni

Að loknu námi getur nemandi hagnýtt þekkingu sína og leikni í starfi og/ eða frekara námi.
​Í því felst að nemandi:

• Hafi sjálfstæði og samskiptahæfni til að geta tekið virkan þátt í samstarfi og leitt verkhópa.
• Geti unnið sjálfstætt og skipulega, sett sér markmið, valið aðferðir við hæfi, gert verk-/starfsáætlun og fylgt henni.
• Sé fær um að túlka og geti kynnt viðfangsefni sín og niðurstöður með skýrum hætti í rituðu og mæltu máli.
• Geti miðlað hugmyndum sínum í eigin verkum.
• Geti miðlað færni sinni, hug- myndum sínum og kunnáttu til margs konar hópa og við ólíkar aðstæður.
• Hafi ræktað ímyndunarafl sitt til sjálfstæðrar sköpunar og/eða óhefðbundinnar nálgunar og nýtt sér það í verkum sínum.
• Hafi þróað með sér sjálfstæð vinnubrögð fyrir frekara nám í sinni grein.