Hæfniviðmið námsleiðar

Þekking

Að loknu námi býr nemandi yfir þekkingu á sviði grafískrar hönnunar.
Í því felst að nemandi:

• Búi yfir þekkingu á kenningum, aðferðum og hugtökum um grafíska hönnun.
• Hafi grunnþekkingu á starfsumhverfi grafískra hönnuða.
• Hafi innsæi og skilning til að nálgast viðfangsefni í hönnun á einstaklingsbundinn hátt.
• Hafi skilning á hugmyndafræði og þeim hugtökum sem liggja til grundvallar grafískrar hönnunar.
• Þekki undirstöðuatriði leitar- og upplýsingartækni.
• Þekki og geti beytt aðferðum rannsókna í grafískri hönnun.

Leikni

Að loknu námi getur nemandi beitt aðferðum og verklagi á sviði grafískrar hönnunar.
Í því felst að nemandi:

• Geti tekið gagnrýna afstöðu til upplýsinga og aðferða.
• Hafi tileinkað sér gagnrýna sýn á eigin verk og verk annarra.
• Geti tekið þátt í gagnrýnum umræðum um grafíska hönnun.
• Geti tekið ákvarðanir og rökstutt þær á faglegum grunni.
• Búi yfir tækni og færni til að geta unnið sjálfstætt og skipulega að
  viðfangsefnum í grafískri hönnun.
• Hafi tileinkað sér víðsýni og frumleika í hugsun.
• Geti lagt sjálfstætt mat á á þær hugmyndir sem unnið er með.
• Hafi tamið sér leitandi og fjölbreytt vinnubrögð og áræðni í úrlausnum.
• Geti nýtt sér tækni og búnað sem þjónar greininni.

Hæfni

Að loknu námi getur nemandi hagnýtt þekkingu sína og leikni í starfi og/ eða frekara námi.
Í því felst að nemandi:

• Hafi þjálfað með sér sýn og hæfni til sjálfstæðrar sköpunar og/eða óhefðbundinnar nálgunar í verkum sínum.
• Hafi sjálfstæði og samskiptahæfni til að geta tekið virkan þátt í samstarfi og leitt verkhópa.
• Geti unnið sjálfstætt og skipulega, sett sér markmið, valið aðferðir við hæfi, gert verk-/starfsáætlun og fylgt henni. 
• Geti túlkað, kynnt og miðlað hugmyndum og viðfangsefnum með skýrum hætti í verkum sínum og í rituðu máli.
• Hafi þróað með sér áhugasvið fyrir frekara námi í sinni grein.