Í haust munu valinkunnir einstaklingar á sviði myndlistar verða kallaðir til leiks í því augnamiði að miðla af þekkingu sinni og reynslu af listum og samtímamenningu. Boðið verður upp á fjölbreytta fyrirlestra þar sem lista- og fræðimenn fjalla um vinnu sína og verk og staðsetja í fagumhverfi myndlistar samtímans.
Á ári hverju heldur fjöldi lista- og fræðimanna erindi um verk sín og hugmyndir á fyrirlestrum í myndlistardeild. Fyrirlestrarnir eru opnir almenningi og er ætlað að kynna margþætt viðfangsefni úr heimi lista og samtímamenningar og hvetja til umræðu. Fyrirlestrarnir eru mikilvægur þáttur í starfsemi deildarinnar og eru ætlaðir til að efla tengsl milli nemenda og starfandi lista- og fræðimanna.
Fyrirlestrar á haustmisseri 2016 verða eftirfarandi:
-
26. ágúst kl. 13 - Páll Haukur Björnsson
-
2. september kl. 13 - Jens Olaf Lasthein
-
30. september kl. 14 - Neil Mulholland og Norman Hogg / Confraternity of Neoflagellants
-
7. október kl. 13 - Mika Hannula
-
18. nóvember kl. 13 - Ólöf Nordal
Fyrirlestrar í myndlistardeild fara fram í fyrirlestrarsalnum að Laugarnesvegi 91. Þeir eru opnir almenningi og er aðgangur ókeypis.